Fræðslunefnd Svf. Skagafjarðar

Skóladagatöl leikskólanna í Skagafirði fyrir skólaárið 2016-2017 lögð fram. Nefndin samþykkir þau eins og þau liggja fyrir, enda hafa þau farið til lögbundinnar umsagnar í foreldraráðum skólanna.

Lögð fram til kynningar skýrsla um jafnt búsetuform barna.

Lögð fram til kynningar ábending um kostnað námsgagna. Fræðslunefnd beinir því til skóla í Skagafirði að reyna eins og hægt er að draga úr þeim kostnaði og leita hagkvæmra leiða til að koma til móts við foreldra grunnskólabarna.

Lögð fram skýrsla um heilsu og lífskjör skólabarna á Norðurlandi vestra, sem unnin var af dr. Ársæli Arnarsyni, Rannsóknarsetri forvarna við Háskólann á Akureyri.

Skóladagatöl grunnskólanna í Skagafirði fyrir skólaárið 2016-2017 lögð fram. Nefndin samþykkir þau eins og þau liggja fyrir, enda hafa þau farið til lögbundinnar umsagnar í skólaráðum skólanna.

Lögð fram tillaga að úthlutun kennslumagns til grunnskólanna fyrir skólaárið 2016-2017. Gerður er fyrirvari varðandi fjölda kennslustunda á Hólum í ljósi óvissu um nemendafjölda. Nefndin samþykkir tillöguna.