Landbúnaðar- og innviðanefnd

Erindi barst frá landeiganda Skálár, Magnúsi Péturssyni varðandi niðurrif á Skálárrétt. Erindið var tekið fyrir á fundi Landbúnaðarnefndar þann 9.jan.2023.
Landbúnaðar- og innviðanefnd samþykkir samhljóða að fela Kára Gunnarssyni umhverfis- og landbúnaðarfulltrúa að hafa samband við landeigendur Skálár og fjallskiladeildina í Hrolleifsdal varðandi réttina og nýtingu á henni.

Landbúnaðar- og innviðanefnd samþykkir samhljóða að fela Kára Gunnarssyni umhverfis- og landbúnaðarfulltrúa að afla frekari upplýsinga um reikninga og tilurð verksins. Málið verður tekið fyrir á fundi aftur þegar búið er að afla umbeðinna gagna.

Ársreikningar fjallskiladeildar Sauðárkróks og framhluta Skagafjarðar fyrir árið 2023 eru lagðir fram til kynningar.
Landbúnaðar- og innviðanefnd samþykkir samhljóða að fela umhverfis- og landbúnaðarfulltrúa Kára Gunnarssyni að afla frekari gagna varðandi innihald ársreiknings framhluta Skagafjarðar og leggja fyrir nefndina að nýju.
Einnig er lagt til að formenn allra fjallskiladeilda verði boðaðir á fund nefndarinnar í febrúar þar sem rædd verði fjallskilamál.

Lagðar fram til kynningar leiðbeiningar frá Umhverfisstofnun varðandi efni sem notuð eru til landfyllinga og mismunandi tegundir þeirra.