Landbúnaðarnefnd Svf. Skagafjarðar

Undir þessum dagskrárlið sátu sameiginlegan fund fulltrúar og áhreynarfulltrúar umhverfis- og samgöngunefndar auk Indriða Þ. Einarssonar sviðsstjóra framkvæmda- og veitusviðs. Rætt um tilraunaverkefni við flokkun á sorpi í Hegranesi og almennar umræður um sorpmál í dreifbýli.

Ómar Kjartansson frá Ó.K. Gámaþjónustu mætti á fund nefndanna og fór yfir tilraunaverkefni í flokkun á sorpi í Hegranesi.
Sorp hefur nú verið flokkað í Hegranesi í þrjá mánuði, frá ágúst til október. Á hverjum bæ er 660 lítra kar undir almennt sorp og 240 lítra tunna undir flokkaðan úrgang. Ílátin eru tæmd tvisvar í mánuði. Verkefnið hefur gefist vel og flestir íbúar ánægðir með þjónustuna. Ákveðið var að halda verkefninu áfram út árið 2014.
Ræddar voru breyttar útfærslur á sorphirðu í dreifbýli og gjaldskrá fyrir þjónustuna. Stefnt verður að flokkun á sorpi í dreifbýli í náinni framtíð. Sviðstjóra veitu- og framkvæmdasviðs og formanni umhverfis- og samgöngunefndar falið að koma með tillögur um útfærslu og gjaldskrá.

Lagt fram bréf frá Matvælastofnun, dagsett 18. september 2014 þar sem óskað er upplýsinga um hvort og þá hvernig fjallskilareglugerð og verklagsreglur sveitarfélagsins taki á málum þar sem um er að ræða slæma meðferð hrossa.
Sviðsstjóra stjórnsýslu- og fjármálasviðs falið að svara erindinu.

Lagt fram bréf fá Gunnari R. Ágústssyni, kt. 070643-4219 varðandi samning um afnot af íbúðarhúsinu í Kálfárdal í Gönguskörðum. Gunnar hefur haft íbúðarhúsið til afnota samkvæmt samningi frá árinu 1985 og nær samningurinn til ársins 2035.
Landbúnaðarnefnd samþykkir að vísa erindinu til byggðarráðs og vill nefndin koma því á framfæri að íbúðarhúsið er ekki lengur nýtt sem aðstaða fyrir gangnamenn á haustin.

Lögð fram fjárhagsáætlun 2015 ásamt greinargerð fyrir landbúnaðarmál; málaflokkar 13200 og 13210.
Landbúnaðarnefnd samþykkir að vísa fjárhagsáætlun vegna landbúnaðarmála ásamt greinargerð til byggðarráðs.

Rætt um jörðina Borgarey 146150. Það er álit landbúnaðarnefndar að það sé ekki akkur fyrir sveitarfélagið að eiga þetta land. Nefndin setur sig ekki upp á móti því að jörðin verði auglýst til sölu ef svo ber undir. Málinu vísað til byggðarráðs til frekari umræðu.

Lagt fram til kynningar uppgjör á refa- og minkaveiði í Sveitarfélaginu Skagafirði fyrir tímabilið 1. september 2013 til 31. ágúst 2014. Veiddir voru 352 refir og 141 minkur. Greiðsla fyrir unnin dýr nam annars vegar 5.365.320 kr. vegna lágfótu og 910.800 kr. vegna sundmarða. Innifalin er í þessum upphæðum vinna, verðlaun, akstur og virðisaukaskattur.

Lagður fram til kynningar ársreikningur Fjallskilasjóðs Seyluhrepps - úthluta fyrir árið 2013.

Lagður fram til kynningar ársreikningur Fjallskilasjóðs Skarðshrepps fyrir árið 2013.