Landbúnaðarnefnd Svf. Skagafjarðar

Lagt fram bréf frá Jóhanni Rögnvaldssyni, dagsett 10. mars 2015, varðandi vetrar- og vorveiði á ref. Jóhann óskar eftir því að landbúnaðarnefnd taki það til skoðunar hvort ekki sé eðlilegt að greitt sé sama gjald til allara þeirra sem stunda refaveiðar, hvort sem þeir eru ráðnir til þess af sveitarfélaginu eða ekki.
Landbúnaðarnefnd þakkar fyrir erindið sem verður tekið til nánari skoðunar við skipulagningu veiðanna.

Lagður fram tölvupóstur dagsettur 18. mars 2015 frá Rúnari Þór Númasyni, þar sem hann leitar eftir afstöðu nefndarinnar hvort heimilt sé að vera með nautgripi yfir sumartímann í landi Hrauns í Unadal.
Landbúnaðarnefnd er mótfallin því að nautgripir verði haldnir í landi Hrauns í Unadal.

Lagðar fram tilkynningar dagsettar 2. og 9. mars 2015 frá Matvælastofnun um riðu í sauðfé sem tilheyrir jörðunum Valagerði og Víðiholti.
Landbúnaðarnefnd stóð fyrir íbúafundi á Löngumýri þann 24. mars s.l. sem var vel sóttur og upplýsandi.
Landbúnaðarnefnd brýnir fyrir bændum að halda vöku sinni gagnvart riðuveiki í sauðfé.

Farið yfir texta á drögum að samþykkt um búfjárhald í þéttbýli í Sveitarfélaginu Skagafirði.

Ingvar Páll Ingvarsson starfsmaður veitu- og framkvæmdasviðs kom á fundinn undir þessum dagskrárlið til viðræðu um Mælifellsrétt.

Lagður fram til kynningar úrskurður um arðskrá fyrir Veiðifélagið Flóka frá 2. febrúar 2015.

Lagður fram til kynningar ársreikningur Fjallskilasjóðs Austur-Fljóta fyrir árið 2013.

Lagður fram til kynningar ársreikningur Fjallskilasjóðs Hofsóss og Unadals fyrir árið 2013.

Lagður fram til kynningar ársreikningur Fjallskilasjóðs Vestur-Fljóta fyrir árið 2013.

Lagður fram til kynningar ársreikningur Fjallskilasjóðs Skarðshrepps fyrir árið 2013.

Lagður fram til kynningar ársreikningur Fjallskilasjóðs Hegraness fyrir árið 2014.