Samstarfssamningur - endurskoðun
Málsnúmer 0802069
Vakta málsnúmerSamstarfsnefnd með Akrahreppi - 1. fundur - 13.02.2008
1. Kennaraíbúðir í Varmahlíð.
Samþykkt að upplýsa leigjendur kennaraíbúðanna um að leigan hækki 1. ágúst 2008 í kr. 30.000 fyrir litla íbúð og kr. 45.000 fyrir stóra íbúð. Leigan verður bundin vísitölu neysluverðs og hækkar árlega miðað við 1. ágúst ár hvert.
2. Gjaldskrá Íþróttamiðstöðvar í Varmahlíð.
Rætt um gjaldskrármál fyrir Íþróttamiðstöðina í Varmahlíð.
3. Akraskóli.
Agnar og Þorleifur staðfesta að núverandi hreppsnefnd Akrahrepps hefur engin áform uppi um að taka upp skólahald í Akraskóla.
4. Varmahlíðarskóli.
Rætt um viðhaldsþörf skólans og þá sérstaklega málun utanhúss sem talin er brýnust verkefna í þessum efnum. Einnig minnst á handavinnustofu og áætlanir um breytingu og endurnýjun þess rýmis og tækja. Fyrir liggur einnig að bæta eldvarnir.
Páll vék af fundi þegar hér var komið.
5. Leikskólinn Birkilundur.
5. Fram kom að til að koma til móts við rýmisþörf Leikskólans Birkilundar þarf að auka fermetrafjölda um rúmlega 100. Helst kreppir skóinn í starfsmannaaðstöðu, eldhúsi og leiksvæði barna. Samþykkt að fela tæknideild Sveitarfélagsins Skagafjarðar að áætla og bera saman heildarkostnað við uppsetningu annars vegar á stálhýsum og hins vegar einingum frá SG húseiningum, sem gætu leyst húsnæðisvandann á fljótlegastan hátt. Samþykkt að óska eftir upplýsingum frá leikskólastjóra Birkilundar um vistunartíma barna á leikskólanum eftir sveitarfélögum fyrir árið 2007.
Rúnar yfirgaf fundinn.
6. Endurskoðun samstarfssamnings.
Farið yfir Samstarfssamning milli Sveitarfélagsins Skagafjarðar og Akrahrepps. Samþykkt að leggja til eftirfarandi breytingar á grein 1. Breyta orðalagi, bæta inn í samninginn dagvist aldraðra og athuga með félagsstarf barna og unglinga. Breyta h) liðnum ? fella út ?móttaka brotamálma og rafgeyma?. Breyta j) liðnum ? fella út ?og þjónusta ferðamálafulltrúa??.
Einnig samþykkt að skoða breytingar á 2. grein varðandi útreikning á þátttöku Akrahrepps í skólaþjónustu og reikna út frá hlutfalli íbúatölu. Kostnaðarþátttaka vegna byggingaeftirlits verði eins og framkvæmt hefur verið undanfarin ár, að stofn til útreiknings verði 50% af kostnaði málaflokks 09 og reiknað út frá íbúahlutfalli.
Samþykkt að halda áfram yfirferð samningsins á fundi 27. febrúar 2008.
Sveitarstjórn Sveitarfélagins Skagafjarðar - 222. fundur - 26.02.2008
Afgreiðsla Samstarfsnefndar með Akrahreppi 13.02.2008 staðfest á 222. fundi sveitarstjórnar með níu atkvæðum.
Samstarfsnefnd með Akrahreppi - 2. fundur - 10.02.2009
1. Rekstrartölur.
Margeir fór yfir rekstrartölur og forsendur innheimtu gagnvart Akrahreppi. Rætt var fyrirkomulag ýmissa liða, m.a. hvort Akrahreppur greiddi fyrir notaða tíma á leikskóla eða m.v. heildarbarnafjölda eins og samningur aðila gerir ráð fyrir. Fulltrúar Akrahrepps telja samninginn óraunhæfan hvað þennan lið varðar og að eðlilegt sé að miða við notaðan tíma, enda samkomulag um að gott sé á leikskóla sem þessum að hafa nokkurn sveigjanleika hvað tímalengd vistar varðar. Hentar vel þeim sem búa fjarri leikskólanum. Farið verður nánar yfir þennan þátt fyrir næsta fund nefndarinnar, teknar saman nýtingartölur o.fl.
2. Fjárhagsáætlun.
Afhent var á fundinum yfirlit yfir áætlaðar greiðslur Akrahrepps vegna samstarfssamnings á árinu 2009.
3. Samstarfssamningur.
Samstarfssamningurinn ræddur. Óskar nefndin eftir því að sviðsstjórar skili yfirliti yfir þá þjónustu sem veitt er Akrahreppi á hverju sviði fyrir sig. Þau yfirlit verði tilbúin fyrir næsta fund nefndarinnar sem haldinn verði miðvikudaginn 4. mars n.k. kl. 15.
Sveitarstjórn Sveitarfélagins Skagafjarðar - 242. fundur - 17.02.2009
Afgreiðsla Samstarfsnefndar með Akrahreppi 10.02.09 staðfest á 242. fundi sveitarstjórnar 17.02.09 með níu atkvæðum.
Samstarfsnefnd með Akrahreppi - 3. fundur - 11.03.2009
Farið yfir gildandi samstarfssamning á milli Sveitarfélagsins Skagafjarðar og Akrahrepps. Lagt fram minnisblað frá fræðslusviði, frístundasviði og markaðs- og þróunarsviði um þjónustu innan sviðanna við íbúa Akrahrepps. Einnig yfirlit um nýtingu barna úr Akrahreppi á tímum í Leikskólanum Birkilundi.
Fræðslustjóra falið að taka saman upplýsingar um samanburð á rekstri pr. barn á milli leikskóla í Skagafirði og fjölda nemenda í Tónlistarskóla sem eru annars vegar í hálfu námi og hins vegar í fullu námi.
Byggðarráð Svf. Skagafjarðar - 469. fundur - 12.03.2009
Samstarf og núgildandi samstarfssamningar milli sveitarfélagsins og Akrahrepps ræddir.
Byggðarráð telur ástæðu til að núgildandi samningar milli sveitarfélaganna verði endurskoðaðir. Byggðarráð telur mikilvægt að viðræður um gerð nýrra samninga hefjist sem fyrst með það að markmiðiði að nýjir samningar taki gildi 1. maí 2009. Byggðarráð felur sveitarstjóra að óska eftir fundi ráðsins með hreppsnefnd Akrahrepps.
Byggðarráð telur ástæðu til að núgildandi samningar milli sveitarfélaganna verði endurskoðaðir. Byggðarráð telur mikilvægt að viðræður um gerð nýrra samninga hefjist sem fyrst með það að markmiðiði að nýjir samningar taki gildi 1. maí 2009. Byggðarráð felur sveitarstjóra að óska eftir fundi ráðsins með hreppsnefnd Akrahrepps.
Sveitarstjórn Sveitarfélagins Skagafjarðar - 244. fundur - 17.03.2009
Afgreiðsla 469. fundar byggðarráðs staðfest á 244. fundi sveitarstjórnar með níu atkvæðum.
Sveitarstjórn Sveitarfélagins Skagafjarðar - 261. fundur - 30.03.2010
Fundargerð 3. fundar Samstarfsnefndar með Akrahreppi staðfest á 261. fundi sveitarstjórnar með níu atkævðum.