Fundur með fjárlaganefnd haustið 2010

Lagt fram erindi frá fjárlaganefnd Alþingis þar sem nefndin býður fulltrúum sveitarfélaga til viðtals vegna verkefna heima í héraði. Áætlaðir fundardagar eru 27. og 28. september nk. Að auki er boðið upp á fjarfund þann 29. september. Óskað er eftir að beiðni um fund berist fyrir 17. september 2010.

Byggðarráð samþykkir að fela sveitarstjóra að bóka fund þriðjudaginn 28. september nk. eh. og vinna að öflun upplýsinga til að leggja fyrir næsta byggðarráðsfund.

Lagður fram tölvupóstur þar sem tilkynnt er að fjárlaganefnd hafi frestað fundum með sveitarstjórnum um óákveðinn tíma.

Byggðarráð óskar eftir að fyrir næsta fund ráðsins liggi fyrir tillögur að erindi fyrir fjárlaganefndina.

Lagður fram tölvupóstur frá nefndasviði Alþingis þar sem fram kemur að fundur fulltrúa sveitarfélagsins og fjárlaganefndar hafi verið ákveðinn föstudaginn 15. október 2010, kl. 16:40.

Samþykkt að sveitarstjóri, byggðarráðsfulltrúar og áheyrnarfulltrúar í byggðarráði sæki þennan fund.