Byggðarráð Svf. Skagafjarðar

Lagt fram boð um aðalfund Flugu hf., 20. september 2010.

Byggðarráð samþykkir að Viggó Jónsson og Jón Magnússon fari með atkvæðisrétt sveitarfélagsins á aðalfundi Flugu ehf. Jafnframt samþykkir byggðarráð að Viggó Jónsson og Jón Magnússon verði tilnefndir sem aðalfulltrúar sveitarfélagsins í stjórn félagsins og til vara Hlín Jóhannesdóttir og Guðný Axelsdóttir.

Lagt fram erindi frá fjárlaganefnd Alþingis þar sem nefndin býður fulltrúum sveitarfélaga til viðtals vegna verkefna heima í héraði. Áætlaðir fundardagar eru 27. og 28. september nk. Að auki er boðið upp á fjarfund þann 29. september. Óskað er eftir að beiðni um fund berist fyrir 17. september 2010.

Byggðarráð samþykkir að fela sveitarstjóra að bóka fund þriðjudaginn 28. september nk. eh. og vinna að öflun upplýsinga til að leggja fyrir næsta byggðarráðsfund.

Lagður fram listi yfir fasteignir sveitarfélagsins.

Byggðarráð samþykkir að fela sveitarstjóra ásamt sviðsstjórum eftir atvikum að leggja fram lista yfir mögulega sölu eigna.

Lagt fram erindi frá dóms- og mannréttindaráðuneyti varðandi væntanlegar kosningar til stjórnlagaþings þann 27. nóvember 2010.

Byggðarráð staðfestir að kosið verði á eftirtöldum stöðum í sveitarfélaginu: Steinsstöðum, Varmahlíð, Sauðárkróki, Heilbr.stofnuninni Sauðárkróki, á Skaga, að Hólum, Hofsósi og í Fljótum.

Lagðar fram til kynningar upplýsingar um rekstur sveitarfélagsins og stofnana þess fyrir tímabilið janúar-júlí 2010.

Lagt fram til kynningar 3. tbl. 1. árg. Fréttabréfs kjarasviðs Sambands ísl. sveitarfélaga.

Lagður fram til kynningar tölvupóstur frá Sambandi ísl. sveitarfélaga þar sem kynnt er ráðstefna sem Evrópusamtök sveitarfélaga, CEMR og hollenska sveitarfélagasambandið standa fyrir í Haag 13. október nk. Fjallað verður um hvernig hægt sé að bregðast við þverrandi trausti almennings á stjórnvöldum.

Lagður fram til kynningar tölvupóstur frá Sambandi ísl. sveitarfélaga um að málstofa sambandsins um skólamál verði haldin 1. nóvember 2010 undir yfirskriftinni "Skólabragur". Hægt verður að horfa á beina útsendingu frá málstofunni á vef menntavísindasviðs Háskóla Íslands.