Málefni fatlaðra og sala fasteigna

Lagt fram bréf Jöfnunarsjóðs sveitarfélaga varðandi eignirnar að Grundarstíg 22 og Fellstúni 19 ásamt minnisblaði félagsmálastjóra. Taka þarf afstöðu til erindis Jöfnunarsjóðs innan mánaðar frá móttöku þess. Málið er á forræði byggðarráðs/stjórnar eignasjóðs og er vísað þangað.

Afgreiðsla 173. fundar félags- og tómstundanefndar staðfest á 280. fundi sveitarstjórnar með níu atkvæðum.

Málinu vísað frá félags- og tómstundanefnd.

Lagt fram bréf Jöfnunarsjóðs sveitarfélaga varðandi eignirnar að Grundarstíg 22 og Fellstúni 19 ásamt minnisblaði félagsmálastjóra og svari sveitarstjóra til Jöfnunarsjóðs dags.10. júní um notkun eignanna. Taka þarf afstöðu til erindis Jöfnunarsjóðs innan mánaðar frá móttöku þess. Gunnar M Sandholt félagsmálastjóri og Guðmundur Þór Guðmundsson umsjónarmaður eignasjóðs sátu fundinn undir þessum líð. Guðmundi Þór falið að hafa samband við fasteignasala til að verðmeta eignirnar. Sveitarstjóra falið að annast samningagerð við Jöfnunarsjóð sveitarfélaga.

Lagðar fram upplýsingar frá Jöfnunarsjóði sveitarfélaga um söluverð fasteignanna Grundarstígs 22 og Fellstúns 19 á Sauðárkróki annars vegar og hins vegar leiguverð.

Í samræmi við fyrri samþykktir byggðarráðs er sveitarstjóra falið að ganga frá kaupum á framangreindum fasteignum. Gert er ráð fyrir fjármagni til þessara fjárfestinga í fjárhagsáætlun 2011.

Afgreiðsla 576. fundar byggðaráðs staðfest á 285. fundi sveitarstjórnar með níu atkvæðum.