Byggðarráð Svf. Skagafjarðar

Málið áður á dagskrá 582. fundar byggðarráðs.

Hanna Dóra Björnsdóttir, ráðgjafi VIRK starfsendurhæfingarsjóðs hjá stéttarfélögunum á Norðurlandi vestra, kom á fundinn undir þessum dagskrárlið og kynnti erindi bréfs þar sem hún óskar eftir auknu samstarfi við Sveitarfélagið Skagafjörð, sem miðar að því að auka starfshæfni fólks á vinnumarkaði og styrkja þannig einstaklinga til þátttöku í atvinnulífinu og samfélaginu.

Byggðarráð tekur vel í erindið og vísar því til umfjöllunar í félags- og tómstundanefnd.

Lagt fram bréf frá þingmönnum Hreyfingarinnar varðandi frumvarp til laga um breytingu á lögum nr. 116/2006, um stjórn fiskveiða, með síðari breytingum, 202. mál.

Byggðarráð samþykkir að fresta afgreiðslu málsins til næsta fundar.

Lagt fram bréf frá sýslumanninum á Sauðárkróki þar sem óskað er umsagnar um umsókn Gunnars Rögnvaldssonar um endurnýjun á rekstrarleyfi fyrir Löngumýrarskóla. Gististaður, flokkur III, gistiheimili. Veitingastaður, flokkur I, veitingastofa, greiðasala, samkomusalir.

Byggðarráð gerir ekki athugasemd við umsóknina.

Lagður fram tölvupóstur frá Sambandi íslenskra sveitarfélaga varðandi ætlun Evrópuráðsins um að veita strandbæjum sem hafa staðið sig vel í uppbyggingu sérstaka viðurkenningu; "Best Practice Award Programme for European Costal Towns". Til að taka þátt í þessu verkefni þurfa sveitarfélög að skrá sig fyrir 29. febrúar n.k.

Byggðarráð samþykkir að vísa erindinu til afgreiðslu markaðs- og þróunarsviðs.

Lagt fram boðsbréf frá vinabæ sveitarfélagsins, Køge Kommune í Danmörku. Boðað er til stórs vinabæjamóts í Køge þann 29. maí - 1. júní 2012. Dagskrá mótsins verður annars vegar sniðin að málefnum eldri borgara og hins vegar menningu og listum.

Byggðarráð þiggur boðið og nánari útfærsla bíður næsta fundar.

Málið áður á dagskrá 582. fundar byggðarráðs. Lögð fram svohljóðandi tillaga frá Þorsteini Tómasi Broddasyni:

"Undirritaður leggur til að 5. grein draga að siðareglum kjörinna fulltrúa Sveitarfélagsins Skagafjarðar verði breytt þannig að eftirfarandi bætist við greinina:

Kjörnir fulltrúar skulu einnig gæta þess að innkaupum, fjárfestingum og leigu, ásamt sölu og útleigu eigna sveitarfélagsins sé þannig háttað að sem best sé farið með almannafé og ekki hlutast til þess að öðruvísi sé að málum staðið."

Byggðarráð samþykkir að hafna tillögunni.

Lagður fram tölvupóstur frá Sambandi íslenskra sveitarfélaga til kynningar á atvinnuátakinu "Vinnandi vegur", sem ætlað er að vinna gegn langtímaatvinnuleysi. Aðilar verkefnisins eru ásamt Sambandi íslenskra sveitarfélaga, ríkisstjórn Íslands, Reykjavíkurborg, Alþýðusamband Íslands, Samtök atvinnulífsins, BSRB og BHM.

Byggðarráð samþykkir að vísa erindinu til félags- og tómstundanefndar.

Lagt fram til kynningar uppgjör framlaga úr Jöfnunarsjóði sveitarfélaga á árinu 2011.

Lögð fram til kynningar svo hljóðandi ályktun kirkjuþings 2011:

"Kirkjuþing 2011 hvetur til að sveigjanleika sé gætt í samskiptum skóla og trúar- og lífsskoðunarhópa í anda óbreyttrar trúfrelsishefðar á Íslandi. Hún felur í sér víðtækt frelsi til tjáningar og iðkunar trúar en virðir jafnframt ólíkar lífsskoðanir. Foreldraréttur skal virtur. Trúarleg og siðferðileg mótun ungmenna sé í samræmi við trú eða lífsskoðanir foreldra."

Væntanlegar byggingaframkvæmdir við Árskóla ræddar.

Fundargerð stjórnar SSNV frá 14. febrúar 2012, lögð fram til kynningar á 583. fundi byggðarráðs þann 23. febrúar 2012.