Varmahlíðarskóli - staða húsnæðismála

Kynntar voru hugmyndir að útfærslu Varmahlíðarskóla miðað við að leikskólinn flytti í grunnskólahúsnæðið. Nefndin samþykkir að óska eftir kostnaðarmati á þessum hugmyndum.

Fundargerð 27. fundar Samstarfsnefndar með Akrahreppi staðfest á 321. fundi sveitarstjórnar 26. nóvember 2014 með níu atkvæðum.

Lagðar fram kostnaðarmetnar hugmyndir til úrbóta í húsnæðismálum leik -og grunnskóla í Varmahlíð.

Samstarfsnefnd leggur áherslu á að ákvarðanir um framkvæmdir verði teknar á næsta fundi 17.mars n.k. kl. 16.

Fundargerð 28. fundar Samstarfsnefndar með Akrahreppi staðfest á 325. fundi sveitarstjórnar 25. mars 2015 með átta atkvæðum.

Farið yfir afstöðu sveitarfélaganna varðandi framtíðarskipulag leik- og grunnskólans í Varmahlíð.

Eftirfarandi bókanir voru gerðar:

?Fulltrúar Sveitarfélagsins Skagafjarðar í samstarfsnefndinni telja mikilvægt að horft sé til framtíðar þegar verið er að meta hvaða leið á að fara varðandi stækkun á rými leikskólans Birkilundar,bæði hvað varðar húsnæði og faglegt starf. Við teljum að með því að færa starfsemi leikskólans Birkilundar í hús grunnskólans skapist tækifæri til að hugsa þessi skólastig sem eina heild og gera ráð fyrir ýmis konar samvinnu og samnýtingu. Aðkallandi er að fara í viðhald á húsnæði grunnskólans í Varmahlíð og með því að horfa til þess að flytja skólastarf leik- grunnskóla í eitt húsnæði náist fram þrír mikilvægir póstar, lausnir varðandi húsnæði fyrir leikskólann, bætt aðstaða fyrir starfsemi grunnskólans og aðkallandi viðhaldi grunnskólans yrði sinnt.
Nú liggja fyrir teikningar sem unnar voru í framhaldi af athugasemdum sem fram hafa komið frá hagsmunaaðilum leik- og grunnskóla í Varmahlíð á fundum. Fulltrúar sveitarfélagsins leggja áherslu á að ákvarðanir um leiðir og framkvæmdir verði teknar sem fyrst og jafnhliða fari fram kynning og undirbúiningur með skólafólki. Einnig verði skoðað hvernig áfangaskipta megi framkvæmdinni.?

Gunnsteinn Björnsson
Gréta Sjöfn Guðmundsdóttir

"Fulltrúar Akrahrepps í samstarfsnefnd sveitarfélaganna telja að farsælast sé að leysa húsnæðisvanda leikskólans Birkilundar í Varmahlíð með því að byggja við leikskólann. Umhverfi leikskólans er ákaflega heppilegt hvað skjól varðar. Rétt er að hafa í huga að kostnaður við að flytja leikskólann í Varmahlíðarskóla er líklega tvöfalt hærri en að byggja við leikskólann á núverandi stað. Inn í þeirri tölu eru þær endurbætur sem þarf að gera á Varmahlíðarskóla ef að flutningi verður. Fram hefur komið ákveðin andstaða við að flytja leikskólann inn í Varmahlíðarskóla og ekki óeðlilegt að taka mið af sjónarmiðum íbúa á svæðinu. Fulltrúar Akrahrepps gera sér grein fyrir að þó byggt verði við leikskólann þarf að ráðast í talsverðar endurbætur á Varmahlíðarskóla. Afstaða fulltrúa Akrahrepps er byggð á afgreiðslu hreppsnefndar Akrahrepps"

Agnar H. Gunnarsson
Jón Sigurðsson

"Fulltrúar Sveitarfélagsins Skagafjarðar árétta að kostnaðarmat við flutning og stækkun leikskóla gerir ennfremur ráð fyrir verulegum endurbótum á húsnæði grunnskólans í Varmahlíð"

Gunnsteinn Björnsson
Gréta Sjöfn Guðmundsdóttir

Fulltrúar Sveitarfélagsins Skagafjarðar vísa málinu til Byggðarráðs Sveitarfélagsins Skagafjarðar.

Fundargerð 29. fundar Samstarfsnefndar með Akrahreppi staðfest á 327. fundi sveitarstjórnar 13. maí 2015 með níu atkvæðum.

Lögð fram bókun frá 29. fundi samstarfsnefndar með Akrahreppi þann 5. maí 2015 varðandi málið.
Byggðarráð samþykkir að óska eftir því að formaður samstarfsnefndar með Akrahreppi komi á næsta fund til viðræðu um málið ásamt sviðsstjóra fjölskyldusviðs.

Afgreiðsla 705. fundar byggðaráðs staðfest á 330. fundi sveitarstjórnar 19. ágúst 2015 með níu atkvæðum.

Undir þessum dagskrárlið kom Gunnsteinn Björnsson formaður samstarfsnefndar með Akrahreppi og Herdís Á. Sæmundardóttir sviðsstjóri fjölskyldusviðs til viðræðu um húsnæðismál Leikskólans Birkilundar og Varmahlíðarskóla. Véku þau síðan af fundi.

Byggðarráð styður ákvörðun og hugmyndafræði fulltrúa sveitarfélagsins í samstarfsnefndinni um að færa starfsemi leikskólans Birkilundar í húsnæði Varmahlíðarskóla og að nauðsynlegum endurbótum á húsnæði grunnskólans verði sinnt. Byggðarráð ítrekar jafnframt eftirfarandi bókun 29. fundar samstarfsnefndar þann 5. maí 2015 um málið:

"Fulltrúar Sveitarfélagsins Skagafjarðar í samstarfsnefndinni telja mikilvægt að horft sé til framtíðar þegar verið er að meta hvaða leið á að fara varðandi stækkun á rými leikskólans Birkilundar,bæði hvað varðar húsnæði og faglegt starf. Við teljum að með því að færa starfsemi leikskólans Birkilundar í hús grunnskólans skapist tækifæri til að hugsa þessi skólastig sem eina heild og gera ráð fyrir ýmis konar samvinnu og samnýtingu. Aðkallandi er að fara í viðhald á húsnæði grunnskólans í Varmahlíð og með því að horfa til þess að flytja skólastarf leik- grunnskóla í eitt húsnæði náist fram þrír mikilvægir póstar, lausnir varðandi húsnæði fyrir leikskólann, bætt aðstaða fyrir starfsemi grunnskólans og aðkallandi viðhaldi grunnskólans yrði sinnt.
Nú liggja fyrir teikningar sem unnar voru í framhaldi af athugasemdum sem fram hafa komið frá hagsmunaaðilum leik- og grunnskóla í Varmahlíð á fundum. Fulltrúar sveitarfélagsins leggja áherslu á að ákvarðanir um leiðir og framkvæmdir verði teknar sem fyrst og jafnhliða fari fram kynning og undirbúiningur með skólafólki. Einnig verði skoðað hvernig áfangaskipta megi framkvæmdinni.
Gunnsteinn Björnsson
Gréta Sjöfn Guðmundsdóttir"

Afgreiðsla 707. fundar byggðaráðs staðfest á 331. fundi sveitarstjórnar 16. september 2015 með átta atkvæðum.

Farið yfir stöðu leikskólamála í Varmahlíð. Unnið er að heppilegri lausn til að fjölga leikskólaplássum í ljósi þess að eina dagforeldrið á svæðinu hefur ákveðið að láta af störfum um næstu mánaðamót.

Afgreiðsla 712. fundar byggðaráðs staðfest á 332. fundi sveitarstjórnar 14. október 2015 með níu atkvæðum.