Aðstaða fyrir RÚV á Sauðárkróki - uppsögn

Eftirfarandi bókun lögð fram og samþykkt samhljóða:
"Byggðarráð Sveitarfélagsins Skagafjarðar harmar þá ráðstöfun Ríkisútvarps allra landsmanna að leggja niður starfstöð sína á Sauðárkróki á sama tíma og stofnunin boðar eflingu starfsemi sinnar á landsbyggðinni. Mikilvægt er að Ríkisútvarpið sé sýnilegt í starfsemi sinni um allt land og er Norðurland vestra þar ekki undanskilið.
Sveitarfélagið Skagafjörður hefur stutt vel við starfsemi Ríkisútvarpsins og greitt húsaleigu fyrir upptöku- og útsendingaraðstöðu RÚV á Sauðárkróki í áratug. Frá hljóðverinu hefur verið sinnt dagskrárgerð og beinar útsendingar sendar þaðan, meðal annars sá vinsæli þáttur Á sagnaslóð sem nú hefur verið lagður af.
Byggðarráð skorar á útvarpsstjóra og Ríkisútvarpið að endurvekja metnaðarfulla dagskrárgerð og fréttaflutning frá landshlutanum."

Byggðarráð samþykkir að fela sveitarstjóra að óska eftir fundi með útvarpsstjóra.

Gréta Sjöfn Guðmundsdóttir kvaddi sér hljóðs og lagði til að sveitarstjórn gerði eftirfarandi bókun byggðarráðs að sinni:
"Byggðarráð Sveitarfélagsins Skagafjarðar harmar þá ráðstöfun Ríkisútvarps allra landsmanna að leggja niður starfstöð sína á Sauðárkróki á sama tíma og stofnunin boðar eflingu starfsemi sinnar á landsbyggðinni. Mikilvægt er að Ríkisútvarpið sé sýnilegt í starfsemi sinni um allt land og er Norðurland vestra þar ekki undanskilið.
Sveitarfélagið Skagafjörður hefur stutt vel við starfsemi Ríkisútvarpsins og greitt húsaleigu fyrir upptöku- og útsendingaraðstöðu RÚV á Sauðárkróki í áratug. Frá hljóðverinu hefur verið sinnt dagskrárgerð og beinar útsendingar sendar þaðan, meðal annars sá vinsæli þáttur Á sagnaslóð sem nú hefur verið lagður af.
Byggðarráð skorar á útvarpsstjóra og Ríkisútvarpið að endurvekja metnaðarfulla dagskrárgerð og fréttaflutning frá landshlutanum."
Samþykkt samhljóða.

Afgreiðsla 690. fundar byggðaráðs staðfest á 325. fundi sveitarstjórnar 25. mars 2015 með átta atkvæðum.

Málið áður dagskrá 690. fundi byggðarráðs 19. mars 2015. Lagður fram tölvupóstur frá Magnúsi Geir Þórðarsyni útvarpsstjóra vegna bókunar ráðsins á fyrrnefndum fundi og kemur þar fram að hann er tilbúinn til að hitta fulltrúa sveitarfélagsins vegna málsins.
Byggðarráð samþykkir að fela sveitarstjóra að finna hentugan tíma fyrir fund með útvarpsstjóra.

Sigurjón Þórðarson óskar bókað:
Í ljósi þess að útvarpsstjóri hefur tekið þá ákvörðun að leggja af alla starfsemi í Skagafirði, þá er rétt að beina því til þingmanna kjördæmisins að beita sér fyrir því að Skagfirðingum verði gert kleift að verja hluta af útvarpsgjaldi til ljósvakamiðils að eigin vali t.d. N4 sem hefur fjallað reglulega um þjóð- og menningarlíf í Skagafirði.

Gréta Sjöfn Guðmundsdóttir kvaddi sér hljóðs og lagði til að sveitarstjórn gerði bókun Sigurjóns Þórðarsonar að sinni.

"Í ljósi þess að útvarpsstjóri hefur tekið þá ákvörðun að leggja af alla starfsemi í Skagafirði, þá er rétt að beina því til þingmanna kjördæmisins að beita sér fyrir því að Skagfirðingum verði gert kleift að verja hluta af útvarpsgjaldi til ljósvakamiðils að eigin vali t.d. N4 sem hefur fjallað reglulega um þjóð- og menningarlíf í Skagafirði."

Bókunin borin undir atkvæði og felld með sjö atkvæðum gegn tveimur.

Afgreiðsla 691. fundar byggðaráðs staðfest á 326. fundi sveitarstjórnar 22. apríl 2015 með níu atkvæðum.