Sveitarstjórn Sveitarfélagins Skagafjarðar

Fundargerð 271. fundar skipulags- og byggingarnefndar lögð fram til afgreiðslu á 326. fundi sveitarstjórnar eins og einstök erindi bera með sér. Viggó Jónsson kynnti fundargerð. Enginn kvaddi sér hljóðs.

Fundargerð 177. fundar landbúnaðarnefndar lögð fram til afgreiðslu á 326. fundi sveitarstjórnar eins og einstök erindi bera með sér. Þórdís Friðbjörnsdóttir kynnti fundargerð. Enginn kvaddi sér hljóðs.

Fundargerð 102. fundar fræðslunefndar lögð fram til afgreiðslu á 326. fundi sveitarstjórnar eins og einstök erindi bera með sér. Þórdís Friðbjörnsdóttir kynnti fundargerð. Enginn kvaddi sér hljóðs.

Fundargerð 16. fundar veitunefndar lögð fram til afgreiðslu á 327. fundi sveitarstjórnar eins og einstök erindi bera með sér. Gunnsteinn Björnsson kynnti fundargerð. Gréta Sjöfn Guðmundsdóttir kvaddi sér hljóðs.

826. og 827. fundargerðir Sambands íslenskra sveitarfélaga frá 27. febrúar og 27. mars 2015 lagðar fram til kynningar á 326. fundi sveitarstjórnar 22. apríl 2015.

Fundargerðir stjórnar Norðurár bs. frá 26. febrúar 2015 ásamt fundargerð aðalfundar, sama dags, og fundargerðir stjórnar nr. 62 frá 4. mars, nr 63. frá 11. mars og nr. 64. frá 17. mars, 2015 lagðar fram til kynningar á 326. fundi sveitarstjórnar 22. apríl 2015

Lagt fram bréf dags. 15. apríl 2015 frá Höllu Ólafsdóttur þar sem hún óskar eftir leyfi frá nefndarstörfum frá og með 1. maí 2015 til 15. apríl 2016.
Erindið borið undir afgreiðslu og samþykkt.

Forseti gerir tillögu um Sigríði Svavarsdóttur í stað Höllu.
Samþykkt.

Sviðsstjóri stjórnssýslu- og fjármálasviðs tók til máls og kynnti ársreikning Sveitarfélagsins Skagafjarðar og stofnana þess, fyrir árið 2014.

Ársreikningur Sveitarfélagsins Skagafjarðar fyrir árið 2014 er hér lagður fram til fyrri umræðu. Ársreikningurinn samanstendur af upplýsingum um A-hluta sveitarsjóðs og A og B hluta samantekinn. Í A-hluta er aðalsjóður auk eignasjóðs og þjónustustöðvar. Í B-hluta eru veitustofnanir, hafnarsjóður, félagslegar íbúðir og Tímatákn ehf.
Rekstrartekjur Sveitarfélagsins Skagafjarðar námu á árinu 3.933 millj. króna af samstæðunni í heild. Þar af voru rekstrartekjur A-hluta 3.390 millj. króna. Rekstrargjöld samstæðunnar að frátöldum afskriftum og fjármagnsliðum voru 3.484 millj. króna, þar af A-hluti 3.210 millj. króna. Rekstrarhagnaður A og B hluta fyrir afskriftir og fjármagnsliði er 449 millj. króna, þar af er rekstrarniðurstaða A-hluta jákvæð fyrir afskriftir og fjármagnsliði um 179 millj. króna. Afskriftir eru samtals 165 millj. króna, þar af 92 millj. króna hjá A-hluta. Fjármagnsgjöld umfram fjármunatekjur voru hjá samstæðunni í heild samtals um 201 millj. króna, þ.a. eru 134 millj. króna fjármagnsgjöld umfram fjármunatekjur í A-hluta sveitarsjóðs. Rekstrarhagnaður A og B hluta á árinu 2014 er 127 millj. króna og rekstrarniðurstaða A hluta er neikvæð um 47 millj. króna.

Eignir Sveitarfélagsins Skagafjarðar A og B hluta voru í árslok samtals 7.305 millj. króna, þar af voru eignir A-hluta 5.484 millj. króna. Skuldir og skuldbindingar voru í árslok 2014 samtals 5.617 millj. króna, þar af hjá A-hluta 4.330 millj. króna. Langtímaskuldir námu alls 3.343 millj. króna hjá A og B hluta auk 697 millj. króna næsta árs afborgana. Eigið fé nam 1.687 millj. króna hjá samstæðunni í árslok og er eiginfjárhlutfall 23%. Lífeyrisskuldbindingar nema 950 millj. króna í árslok og hækkuðu á árinu um 70 millj. króna nettó.

Veltufé frá rekstri A og B hluta nam 427 millj. króna, þar af er veltufé frá rekstri A-hluta 150 millj. króna. Handbært fé til rekstrar A og B hluta er 84 millj. króna. Fjárfestingahreyfingar samstæðunnar námu á árinu 2014, 471 millj. króna, þar af námu fjárfestingar í varanlegum rekstrarfjármunum 482 millj. króna. Afborganir langtímalána námu 525 millj. króna, handbært fé lækkaði um 62 millj. króna á árinu og nam það 12 millj. króna í árslok. Tekin ný langtímalán og skuldbreytingar voru að fjárhæð 1.011 millj. króna.

Í 64.gr. nýrra sveitarstjórnarlaga er kveðið á um að heildarskuldir og skuldbindingar A og B hluta í reikningsskilum skv. 60. gr. megi ekki vera hærri en nemur 150% af reglulegum tekjum. Frá heildarskuldum og skuldbindingum er heimilt að draga frá hluta lífeyrisskuldbindinga sem og tekjur og skuldir veitna. Hjá Sveitarfélaginu Skagafirði er skuldahlutfall í ársreikningi fyrir árið 2014, 143% án þess að dreginn sé frá sá hluti af heildarskuldum og skuldbindingum sem heimilað er.

Að lokum vil ég þakka öllu starfsfólki Sveitarfélagsins Skagafjarðar fyrir þann góða árangur sem náðst hefur í rekstri sveitarfélagsins og síðast en ekki síst öllum þeim sem lögðu á sig ómælda vinnu við gerð þessa ársreiknings.

Forseti lagði fram tillögu um að vísa ársreikningi til síðari umræðu. Samþykkt með níu atkvæðum.

Þannig bókað á 271. fundi skipulags- og byggingarnefndar þann 27. mars 2015

"Fyrir fundinum liggur skipulagslýsing vegna fyrirhugaðrar gerðar deiliskipulags fyrir safnasvæði Byggðasafns Skagfirðinga í Glaumbæ, dagsett 15.03.2015 unnin af Hjörleifi Stefánssyni arkitekt. Lýsing skipulagsverkefnisins er unnin í samræmi við 40. grein Skipulagslaga. Skipulags- og byggingarnefnd samþykkir framlagða skipulagslýsingu og leggur til við sveitarstjórn að lýsingin verði kynnt samkvæmt ákvæðum Skipulagslaga."

Sveitarstjórn samþykkir framlagða skipulagslýsingu og samþykkir að skipulagslýsingin verði kynnt samkvæmt ákvæðum Skipulagslaga."

Þannig bókað á 693. fundi byggðarráðs 16. apríl 2015 og vísað til fyrri umræðu í sveitarstjórn.

"Lögð fram tillaga um breytingu á 47. grein samþykkta Sveitarfélagsins Skagafjarðar, liður 4. Skipulags- og byggingarsvið.

Lögð er til eftirfarandi tillaga,
4.1. Skipulags- og byggingarnefnd:
Sveitarstjórn kýs þrjá aðalmenn og jafnmarga til vara. Byggingafulltrúi veitir byggingaleyfi í samræmi við 9.gr. mannvirkjalaga nr. 160/2010 og framkvæmdaleyfi í samræmi við 13.grein skipulagslaga nr. 123/2010. Telji byggingarfulltrúi að erindi sé bersýnilega í ósamræmi við skipulagsáætlandir, skipulagsskilmála og/eða byggingareglugerð eða óvissu ríkja um hvort uppfyllt sé ákvæði laga, reglugerða og samþykkta, skal hann vísa málinu til afgreiðlsu skipulags- og bygginganefndar, sem fjallar þá um byggingaáformin í samræmi við 11.grein mannvirkjalaga nr. 160/2010. Skipulags- og byggingarnefnd annast störf sem 6. gr. skipulagslaga nr. 123/2010 kveður á um. Einnig skipulag hafnarsvæða að tillögu umhverfis- og samgöngunefndar og umferðarmál samkvæmt umferðarlögum nr. 50/1987. Auk ofangreindra verkefna getur sveitarstjórn falið nefndinni ýmis verkefni með erindisbréfum.

Byggðarráð samþykkir tillöguna fyrir sitt leyti og vísar tillögunni til fyrri umræðu í sveitarstjórn."

Tillaga um breytingu á 47. grein samþykkta Sveitarfélagsins Skagafjarðar, liður 4. Skipulags- og byggingarsvið, borin undir atkvæði og samþykkt með níu atkvæðum.

Þannig bókað á 693. fundi byggðarráðs 16. apríl 2015 og vísað til samþykktar í sveitarstjórn.

"Lögð fram tillaga um viðauka nr. 5 við fjárhagsáætlun 2015. Lagt er til að fjárfestingaliður eignasjóðs hækki um átta milljónir króna og hækkuninni mætt með lækkun á handbæru fé. Byggðarráð samþykkir framangreindan viðauka."

Viðauki nr. 5 við fjárhagsáætlun 2015 - Safnahús Skagfirðinga, borin undir atkvæði og samþykktur með átta atkvæðum. Þórdís Friðbjörnsdóttir óskar bókað að hún taki ekki þátt í afgreiðslu málsins.

Þannig samþykkt á 692. fundi byggðarráðs þann 9. apríl 2015 og vísað til samþykktar í sveitarstjórn.

"Lögð fram tillaga um viðauka nr. 4 við fjárhagsáætlun ársins 2015 vegna málaflokks 04112-Ársalir. Lagt er til að útgjaldaliður launa hækki um 4.000.000 kr. og handbært fé lækkað um sömu fjárhæð.
Byggðarráð samþykkir framangreindan viðauka."

Viðauki 4 við fjárhagsáætlun 2015 - Stytting sumarlokunar leikskóla, borinn undir atkvæði og samþykktur með níu atkvæðum.

Þannig samþykkt á 692. fundi byggðarráðs þann 9. apríl 2015 og vísað til samþykktar í sveitarstjórn.

"Lögð fram tillaga um viðauka nr. 3 við fjárhagsáætlun ársins 2015 vegna málaflokks 21890-Ýmsir styrkir og framlög. Lagt er til að útgjaldaliður hækki um 3.000.000 kr. og handbært fé lækkað um sömu fjárhæð.
Byggðarráð samþykkir framangreindan viðauka."

Viðauki 3 við fjárhagsáætlun 2015 - sameiginlegir liðir, borin undir atkvæði og samþykktur með níu atkvæðum.

Fundargerð 108. fundar umhverfis- og samgöngunefndar lögð fram til afgreiðslu á 326. fundi sveitarstjórnar eins og einstök erindi bera með sér. Sigríður Magnúsdóttir kynnti fundargerð. Enginn kvaddi sér hljóðs.

Fundargerð 692. fundar byggðarráðs lögð fram til afgreiðslu á 326. fundi sveitarstjórnar eins og einstök erindi bera með sér. Bjarni Jónsson kynnti fundargerð. Gréta Sjöfn Guðmundsdóttir og Þórdís Friðbjörnsdóttir kvöddu sér hljóðs.

Fundargerð 18. fundar atvinnu- menningar- og kynningarnefndar lögð fram til afgreiðslu á 326. fundi sveitarstjórnar eins og einstök erindi bera með sér. Gunnsteinn Björnsson kynnti fundargerð. Gréta Sjöfn Guðmundsdóttir, Sigríður Svavarsdóttir, Gunnsteinn Björnsson og Bjarni Jónsson kvöddu sér hljóðs.

Fundargerð 219. fundar félags- og tómstundanefndar lögð fram til afgreiðslu á 326. fundi sveitarstjórnar eins og einstök erindi bera með sér. Bjarki Tryggvason kynnti fundargerð. Bjarni Jónsson og Gréta Sjöfn Guðmundsdóttir kvöddu sér hljóðs.

Fundargerð 691. fundar byggðarráðs lögð fram til afgreiðslu á 326. fundi sveitarstjórnar eins og einstök erindi bera með sér. Bjarni Jónsson kynnti fundargerð. Gréta Sjöfn Guðmundsdóttir kvaddi sér hljóðs.

Fundargerð 693. fundar byggðarráðs lögð fram til afgreiðslu á 326. fundi sveitarstjórnar eins og einstök erindi bera með sér. Bjarni Jónsson kynnti fundargerð. Gréta Sjöfn Guðmundsdóttir kvaddi sér hljóðs.