Sundlaug Sauðárkróks

Byggðarráð Sveitarfélagsins Skagafjarðar samþykkir að setja á fót sérstaka byggingarnefnd fyrir Sundlaug Sauðárkróks. Nefndin skal hafa yfirumsjón með fyrirhuguðum viðhalds- og nýframkvæmdum á Sundlaug Sauðárkróks ásamt hönnun. Byggingarnefndin skal skipuð oddvitum allra flokka sem sæti eiga í sveitarstjórn Sveitarfélagsins Skagafjarðar. Formaður eignasjóðs er jafnframt formaður bygginganefndarinnar og hefur hann tvöfalt atkvæðavægi.
Með nefndinni skulu vinna sveitarstjóri, sviðsstjóri fjölskyldusviðs, byggingafulltrúi, sviðstjóri veitu- og framkvæmdarsviðs ásamt forstöðumanni íþróttamannvirkja.
Í vinnu sinni skal nefndin m.a. hafa að leiðarljósi að bæta aðgengismál að lauginni, laga búningsklefa, laga andyri og bæta aðstöðu barna og barnafólks m.a. með rennibrautum og vaðlaugum.
Áætlað er að framkvæmdir við laugina hefjist sumarið 2016.

Afgreiðsla 725. fundar byggðaráðs staðfest á 335. fundi sveitarstjórnar 20. janúar 2016 með níu atkvæðum.

Umræður um endurgerð Sundlaugar Sauðárkróks og næstu skref.

Farið yfir raunteikningar af Sundlaug Sauðárkróks gerðar af verkfræðistofunni Stoð ehf. Bygginganefnd samþykkir að fela Indriða Þór Einarssyni, sviðsstjóra veitu- og framkvæmdasviðs að ráða hönnuði til verksins.

Á fundinn komu Jón Þór Þorvaldsson arkitekt frá Úti Inni arkitektar og Eyjólfur Þór Þórarinsson frá Verkfræðistofunni Stoð ehf.
Farið yfir stöðu verkefnisins og grunnhugmyndir, nefndin samþykkir að vinna hugmyndirnar áfram. Stefnt er á að framkvæmdir geti hafist síðsumars.

Fundargerð 3. fundar byggingarnefndar Sundlaugar Sauðárkróks staðfest á 341. fundi sveitarstjórnar 11. maí 2016 með níu atkvæðum.

Byggingarnefnd Sundlaugar Sauðárkróks samþykkir að farið verði í hönnun byggingarnefndarteikninga og kostnaðargreiningu á breytingum á Sundlaug Sauðárkróks samkvæmt fyrirliggjandi drögum frá Úti og inni arkitektum. Framkvæmd við breytingu og nýbyggingu vegna sundlaugarinnar verði skipt upp í A og B áfanga. Í áfanga A verður unnið við að breyta högun innanhúss o.þ.h. Áfangi B felur í sér nýbyggingu útisvæða. Stefnt er að því að hefjast handa við áfanga A haustið 2016.

Fundargerð 4. fundar byggingarnefndar Sundlaugar Sauðárkróks staðfest á 343. fundi sveitarstjórnar 8. júní 2016 með níu atkvæðum.

Lögð fram endurbætt grunnmynd af annarri hæð sundlaugar. Nefndin sammála um að halda áfram þeirri vinnu sem kynnt var á fundinum. Samþykkt að vísa þessum drögum til umsagnar ráðgefandi hóps um aðgengismál í Sveitarfélaginu Skagafirði.

Farið yfir frumkostnaðaráætlun ásamt drögum að teikningum. Samþykkt að halda áfram með þá vinnu sem kynnt var á fundinum. Samþykkt að fá ráðgefandi hóp um aðgengismál inn á næsta fund nefndarinnar.

Á fundinn komu Þuríður Harpa Sigurðardóttir, Sigríður Magnúsdóttir úr aðgengishópi Sveitarfélagsins Skagafjarðar og starfsmenn sveitarfélagsins, Indriði Þór Einarsson, Ingvar Páll Ingvarsson og Þorvaldur Gröndal til viðræðu um væntanlegar framkvæmdir við Sundlaug Sauðárkróks.

Farið yfir drög að hönnunargögnum varðandi sundlaug og fyrirhugaðar framkvæmdir.

Lögð fram drög að útboðsgögnum. Byggingarnefnd samþykkir að unnið sé áfram eftir fyrirliggjandi drögum.

Lögð fram endurskoðuð kostnaðaráætlun við fyrsta áfanga að endurbótum á Sundlaug Sauðárkróks. Útboðsgögn eru tilbúin til afhendingar. Undir þessum dagskrárlið sátu fundinn Indriði Þór Einarsson sviðsstjóri veitu- og framkvæmdasviðs, Ingvar Páll Ingvarsson verkefnastjóri á veitu- og framkvæmdasviði og Þorvaldur Gröndal forstöðumaður frístunda- og íþróttamála.

Byggingarnefnd Sundlaugar Sauðárkróks samþykkir að hefja útboðsferil vegna verksins.

Mánudaginn 19. júní 2017 voru opnuð tilboð í verkið Sundlaugin á Sauðárkróki - Endurbætur 2017. Um var að ræða lokað útboð og var fimm aðilum gefinn kostur að taka þátt. Eitt tilboð barst, það hefur nú verið yfirfarið.

Niðurstaðan er eftirfarandi:

K-TAK ehf. kr. 373.973.204,- 133%
Kostnaðaráætlun, Stoð ehf. kr. 281.188.227,- 100%

Bygginganefnd samþykkir að hafna tilboði K-Taks ehf. þar sem það er 33% yfir kostnaðaráætlun.

Bygginganefnd leggur jafnframt til að verkið verði boðið út aftur í opnu útboði með breyttum forsendum.

Farið yfir opnun tilboða í útboðsverkið Sundlaugin á Sauðárkróki. Tilboðin voru opnuð fimmtudaginn 14.september 2017 á skrifstofu Stoðar ehf, verkfræðistofu, kl. 13. Eitt tilboð barst frá K- Tak ehf sem var 128,6% af kostnaðaráætlun.
Bygginganefnd samþykkir að óska eftir fundi með bjóðanda ásamt fulltrúum verkfræðistofunnar, þriðjudaginn 24.október n.k. kl 10.

Til fundarins komu Knútur Aadnegard og Hörður Knútsson frá K-Tak ehf og Atli Gunnar Arnórsson frá Verkfræðistofunni Stoð ehf. Farið var yfir tilboð í Sundlaug Sauðárkróks frá 14.september s.l.

Byggingarnefnd Sundlaugar Sauðárkróks samþykkir fyrir sitt leyti að gengið verði til samninga við K-tak ehf. á grundvelli endurskoðaðs tilboðs um endurbætur á Sundlaug Sauðárkróks. Byggingarnefnd samþykkir að vísa málinu til byggðarráðs til afgreiðslu.

Lögð fram tillaga byggingarnefndar Sundlaugar Sauðárkróks um að gengið verði til samninga við K-tak ehf. á grundvelli endurskoðaðs tilboðs um endurbætur á Sundlaug Sauðárkróks. Vísað frá 15. fundi byggingarnefndar Sundlaugar Sauðárkróks þann 27. nóvember 2017.
Byggðarráð samþykkir tillögu byggingarnefndar Sundlaugar Sauðárkróks.

Upplýst var um tveggja vikna lokun Sundlaugar Sauðárkróks vegna framkvæmda. Vonast er til að ekki þurfi að koma til lengri lokana á vorönn, en trúlega mun þurfa að loka nokkru lengur í haust. Reynt verður af fremsta megni að koma til móts við gesti laugarinnar og haga öllum upplýsingum eins og best verður á kosið.

Nefndarmenn fóru í Sundlaug Sauðárkróks og skoðuðu framkvæmdir sem hafnar eru við sundlaugina.

Bygginganefnd samþykkir að setja af stað þarfagreiningu og hönnun á síðari áfanga á framkvæmdum við Sundlaug Sauðárkróks. Samþykkt að ganga til samninga við sama hönnunarteymi og sá um fyrri áfangann.

Nefndarmenn ræddu framkvæmd verksins og fóru að loknum fundi í vettvangsferð til að skoða framkvæmdirnar við Sundlaug Sauðárkróks. Með í för voru Indriði Þór Einarsson sviðsstjóri veitu- og framkvæmdasviðs, Ingvar Páll Ingvarsson og Þorvaldur Gröndal.

Undir þessum dagskrárlið sátu fundinn Indriði Þór Einarsson sviðsstjóri veitu- og framkvæmdasviðs, Jón Þór Þorvaldsson arkitekt og Steinunn Jónsdóttir frá Úti Inni arkitektastofu auk Ingvars Páls Ingvarssonar og Þorvaldar Gröndal starfsmanna sveitarfélagsins. Kynntar voru grunnteikningar að nýrri viðbyggingu við Sundlaugina á Sauðárkróki.
Byggingarnefnd Sundlaugar Sauðárkróks samþykkir að halda áfram hönnun á grundvelli þeirra hugmynda sem kynntar voru á fundinum.

Lagt fram minnisblað frístundastjóra um stöðu framkvæmda við Sundlaugina á Sauðárkróki. Verið er að leggja lokahönd á breytingar í þessum áfanga og vonast er til að hún verði opnuð að nýju hið fyrsta.

Farið yfir stöðu framkvæmda og kostnað vegna breytinga á Sundlaug Sauðárkróks.
Bygginganefnd Sundlaugar Sauðárkróks samþykkir að óska eftir því við byggðarráð að gerður verði 50 milljóna króna viðauki við framkvæmdaáætlun ársins 2019.

Lögð fram bókun 20. fundar byggingarnefndar Sundlaugar Sauðárkróks frá 12. júní 2019. Byggingarnefndin óskar eftir því við byggðarráð að gerður verði 50 milljón króna viðauki við framkvæmdaáætlun ársins 2019.
Byggðarráð samþykkir útgjöldin og vísar til viðauka 4 við fjárhagsáætlun ársins 2019.

Indriði Þór Einarsson sviðsstjóri veitu- og framkvæmdasviðs og Ingvar Páll Ingvarsson verkefnastjóri fóru yfir stöðu framkvæmda við Sundlaug Sauðárkróks. Einnig voru umræður um áfanga 2, nýbyggingu við sundlaugina.
Byggingarnefndin samþykkir að hraða hönnun 2. áfanga laugarinnar.

Indriði Þór Einarsson, sviðsstjóri veitu- og framkvæmdasviðs, og Ingvar Páll Ingvarsson, verkefnastjóri, mættu á fundinn og fóru yfir stöðu framkvæmda við Sundlaug Sauðárkróks.

Ingvar Páll Ingvarsson, verkefnastjóri fór yfir stöðu framkvæmda við endurgerð Sundlaugar Sauðárkróks, 1. áfanga. Verkið er á lokametrunum.

Ingvar Páll Ingvarsson fór yfir stöðu framkvæmda við Sundlaug Sauðárkróks.