Skipulags- og byggingarnefnd

Fyrir liggur tillaga um formann Viggó Jónsson,varaformann Ásmund Pálmason og ritara Hildi Þóru Magnúsdóttur. Tillagan samþykkt. Áheyrnarfulltrúi er Guðni Kristjánsson.

Lúðvík R. Kemp og Ólafía K. Sigurðardóttir eigendur einbýlishússins Skagfirðingabraut á Sauðárkróki óska heimildar Skipulags- og byggingarnefndar til að breyta innkeyrslu að lóðinni. Innkeyrsla á lóðina er frá Suðurgötu. Nú er óskað eftir að fá einnig innkeyrslu á lóðina frá Skagfirðingabraut þannig að gegnumkeyrsla geti verið um lóðina. Meðfylgjandi gögn sem skíra hugmyndir umsækjenda eru dagsett eru 25. júní 2014. Skipulags- og byggingarnefnd hafnar erindinu og telur að gegnumakstur um lóðina geti ógnað umferðaröryggi.

Hólmfríður Runólfsdóttir eigandi einbýlishúss nr 11 við Suðurgötu sækir hér með um leyfi til að gera breytingu á núverandi geymsluhúsi á lóð. Breytingin felst í að stækka geymsluhúsið og hækka þak. Meðfylgjandi uppdrættirnir eru gerðir af Guðmundi Þór Guðmundssyni byggingarfræðing og eru þeir dagsettir 15.05.2014 í verki 0514 teikn.nr. 01.
Stærð húss eftir stækkun verður 21,6 fermetrar. Samþykkt að grendarkynna erindið.

Steinþór Tryggvason í Kýrholti, eigandi lóðarinnar Kýrholt lóð 2 sem hefur landnúmer 222278 óskar eftir leyfi fyrir byggingarreit fyrir frístundarhús á lóðinni. Meðfylgjandi afstöðuppdráttur er gerður hjá Stoð ehf verkfræðistofu af Braga Þór Haraldssyni tæknifræðing. Uppdráttur S102 og er hann dagsettur 27. júní 2014. Skipulags- og byggingarfulltrúa falið að afgreiða erindið að fengnum umsögnum hlutaðeigandi aðila.

Undir þessum lið viku Gísli Sigurðsson og Sigurður H. Ingvarsson af fundi. Hjalti Magnússon og Sigurlaug Reynaldsdóttir eigendur einbýlishússins Drekahlíð 4 á Sauðárkróki óskar heimildar Skipulags- og byggingarnefndar sveitarfélagsins Skagafjarðar til að breikka innkeyrslu að lóðinni. Sótt er um 2,3 metra breikkun til norðurs, yfir lagnasvæði sveitarfélagsins eins og fram kemur á meðfylgjandi fylgigögnum. Erindinu frestað.

Lagt fram til kynningar. Árlegur samráðsfundur Skipulagsstofnunar með sveitarfélögum verður haldinn 29. ágúst næstkomandi á Grand Hótel í Reykjavík undir yfirskriftinni Skipulagsdagurinn 2014. Til fundarins er boðið sveitarstjórnarmönnum, fulltrúum í skipulagsnefndum sveitarfélaga, skipulagsfulltrúum og öðrum starfsmönnum sveitarfélaga sem annast skipulagsmál. Fundurinn er að venju haldinn í samráði við Samband íslenskra sveitarfélaga.