Stjórn Menningarseturs Skagfirðinga

Formaður kynnt bréf þar sem fram kom beiðni frá I.S.S.S. húsum kt.440397-2129 dagsett 20. nóvember 2012, um heimild til að framselja leiguréttindi á lóðum 16B og 20B á Reykjarhólsvegi til SIGA ehf. kt. 641108-1460.
Samþykkt að fresta ákvörðun um Reykjarhólsveg 16B. Beiðni I.S.S.S. húsa um framsal á lóðaleigu Reykjarhólsvegar 20B samþykkt.
Ákveðið að aflýsa fyrri lóðaleigusamningi um 20B.
Jafnframt að úthluta SIGA efh 641108-1460 henni, eftir að lóðaleigusamningi 20B hefur verið aflýst. Í nýja samningnum skal kveða á um að leigutaki skuli hafa reist frístundhús á lóðinni innan árs frá undirritun samnings ella falli hún til baka til Menningarhússins endurgjaldslaust.
Formanni falið að útbúa nýjan lóðaleigusamning.

Lagt fram bréf frá Karlakórnum Heimi dagsett 14. desember 2012 þar sem beðið er um styrk vegna þrettándatónleika.
Samþykkt að styrkja Karlakórinn Heimi um kr. 200.000,-

Lagt fram bréf frá rekstraraðilum Miðgarðs Menningarhúss dagsett 19. desember 2012 vegna styrkbeiðni vegna tónleikaraðar næsta sumar, í Miðgarði með skagfirskum flytjendum sem höfða eiga m.a. til ferðafólks.
Samþykkt að Menningarhúsið Miðgarður fái kr. 250.000 til tónleikahalds.

Lagt fram tölvubréf dags 19. desember 2012 frá Strengjasveit Tónlistaskóla Skagafjarðar vegna tónleikaferðar til Danmerkur og fleiri atburða. Kostnaðaráætlun er kr. 1.680.000 eða kr. 120.000 á mann.
Samþykkt að styrkja strengjasveitina um kr. 250.000,-

Fundurinn samþykkir að láta klára vinnu við afmörkun lóða og hnitsetningu við Norðurbrún í Varmahlíð. Einnig þarf að stofna lóð fyrir veitumannvirki í Reykjarhólslandi. Formanni falið að hafa samband við STOÐ ehf verkfræðistofu sem unnið hefur að þessum málum.

Samþykkt að samræma lóðaleigu á lóðum í eigu Menningarseturins til samræmis við lóðaleigu í Sveitarfélaginu Skagafirði. Allnokkur munur er þar á vegna mismunandi forsenda í útreikningum. Samþykkt að aðlaga leigu á íbúðarhúsalóðum í þremur áföngum.

Ásdís vakti máls á því hver gaman væri og fróðlegt að merkja gömlu þvottalaugarnar austan í Reykjarhólnum. Þarna liggja söguleg verðmæti sem eru flestum hulin og óaðgengileg. Samþykkt að kanna með möguleika á að merkja gömlu þvottalaugarnar og auðvelda aðgengi að þeim.