Stjórn Menningarseturs Skagfirðinga

Lagður fram ársreikningur fyrir árið 2018. Margrét Guðmundsdóttir starfsmaður KOM bókhaldsþjónustu sat fundinn undir þessum dagskrárlið og kynnti ársreikninginn. Niðurstaða reikningsins er eftirfarandi:
Tekjur 3.341.401 kr., rekstrargjöld 4.459.976 kr., fjármagnsliðir til tekna 62.945 kr. Niðurstaða rekstrar er því halli að fjárhæð 1.055.630 kr.
Heildareignir nema 130.038.703 kr., heildarskuldir eru 126.146 kr. og eigið fé er 129.912.557 kr.
Ársreikningurinn borinn upp til afgreiðslu og samþykktur samhljóða.

Farið yfir drög kaupsamnings um sölu eigna Menningarseturs Skagfirðinga til Sveitarfélagsins Skagafjarðar. Sesselja Árnadóttir lögfræðingur, starfsmaður KPMG tók þátt í fundinum símleiðis.
Samþykkt að formaður og Sesselja vinni áfram að samningsgerðinni. Beðið er eftir mati Sveinbjörns Björnssonar á heitavatnsréttindum Menningarsetursins.

Stjórn Menningarseturs Varmahlíðar samþykkir að fela formanni að koma með drög að leigusamningi um lóð sem úthlutuð var til Kaupfélags Skagfirðinga á fundi stjórnarinnar 27. febrúar 2018.

Lagðar fram þrjár styrkbeiðnir frá Varmahlíðarskóla, Kirkjukór Glaumbæjarsóknar og Ungmenna- og íþróttafélaginu Smára.
Stjórnin samþykkir að hafna framangreindum styrkbeiðnum og felur formanni að svara erindunum.

Samþykkt að formaður láti fara yfir nýju skiltin á Reykjarhóli og lagfæra það sem aflaga hefur farið i vetur.

Lagður fram til kynningar ársreikningur fyrir Ferðasmiðjuna ehf. vegna ársins 2017. Einnig lagðar fram fundargerðir aðalfundar og stjórnarfundar þann 12. febrúar 2019.