Stjórn Menningarseturs Skagfirðinga

Þórdís lagði fram sem vinnuplagg myndir af fyrirhuguðum útsýnisskiltum sem setja á upp á Reykjarhólnum.
Myndirnar sýna fjallahringinn með örnefnum, teknar á fallegum vordegi. Samþykkt að leita til Reynis Pálssonar húsasmiðs í Varmahlíð um smíði á undirstöðum. Fyrir liggur leyfi Veitumanna til uppsetningar.
Nauðsynlegt er í framhaldi að útbúa tröppur af bílastæðinu að norðanverðu upp að útsýnisskiltinu. Arnór ætlar að tala við Víðimelsbræður um vélavinnu því tengt.

Formaður lagði fram bréf frá Þresti Jónssyni kt: 060371-3699 dagsett 11.07.17 sem fyrir hönd Þ. Jónssonar slf. 530614-0850 sækir um lóð við Reykjarhólsveg 20b, fastanúmer 233-7364.
Samþykkt að auglýsa lóðina fyrst í Sjónhorninu og fá fasteignasölu til að sjá um ferlið.
Formanni falið að upplýsa Þröst um fyrirkomulagið.

Í framhaldi af fyrri umræðu um styrk til íþróttamiðstöðvarinnar í Varmahlíð til kaupa á göngubretti er samþykkt að veita kr 500.000 til kaupanna.