Umhverfis- og samgöngunefnd Svf Skagafjarðar

Eftir að smábátahöfnin var tekin í notkun hefur komið í ljós að meiri hreyfing er á flotbryggjunum en gert var ráð fyrir. Þessi hreyfing er aðallega vegna úthafsöldu sem berst inn í höfnina. Verktaki sem sá um gerð flotbryggjana við smábátahöfnina vinnur nú að lausn sem felur í sér borun á tveimur ankerum þvert á bryggjurnar landmegin. Útfærslan er unnin í samráði við Seaflex í Svíþjóð, en þaðan komu ankerisfestingarnar (teygjurnar) sem notaðar voru við öldubrjótinn.
Heildarkostnaður vegna auka ankera við öldubrjót og fingurbryggju (samtals 4 stk) er 4.178.000.- skv tilboði verktaka.
Samþykkt að því gefnu að endanleg útfærsla frá Seaflex gefi góðar líkur á árangri.
Vísað til Byggðarráðs.

Útgefendur Handbókar Smábátasjómanna hafa óskað eftir því að Skagafjarðarhafnir kaupi auglýsingu í bókina. Auglýsingin kostar um 50 þúsund. Skagafjarðarhafnir hafa árlega keypt auglýsingu í Sjómannaalmanakinu og á skip.is.
Erindinu hafnað.

Lögð var fram teikning vegna stígagerðar í Varmahlíð. Stefnt er að uppbyggingu stíganna með malarslitlagi þannig að unnt verði að leggja þá malbiki síðar.
Áætlaður kostnaður framkvæmdarinnar eru um 4-5 milljónir.
Samþykkt.

Lögð voru fram lokadrög að teikningum vegna hraðatakmarkana á Sauðárkróki.
Sviðstjóra falið að skipuleggja framkvæmd og kynningu og koma með tillögu að dagsetningu gildistöku hraðatakmarkanna. Stefnt er að skiltauppsetningu sé lokið í janúar 2014.

Kynnt niðurstaða tilboðsopnunnar vegna Suðurgötu B. Samið hefur verið við lægstbjóðenda, Vinnuvélar Símonar ehf. Tilboðið hljóðaði upp á 11.448.300.-