Umhverfis- og samgöngunefnd Svf Skagafjarðar

Þann 12. ágúst sl. sendu Skagafjarðarhafnir erindi til Fagráðs um hafnamál varðandi flýtingu framkvæmda við varnargarð við smábátahöfn á Sauðárkróki. Í erindinu var farið þess á leit við fagráðið að framkvæmdum við varnargarðinn yrði flýtt til ársins 2015.
Erindið var tekið fyrir á fundi ráðsins þann 16. september sl. og var beiðnin samþykkt gegn því að sveitarfélagið fjármagni verkið þar til að fjárveitingu kæmi.
Nefndin leggur til að verkinu verði flýtt sem kostur er að því gefnu að fjárveiting frá ríki sé tryggð á næsta ári.
Lagt er til að gerður verði viðauki við fjárhagsáætlun 2015 vegna 25% hluta sveitarfélagsins af framkvæmdakostnaði.

Lögð voru fyrir fundinn drög að útboðsgögnum vegna snjómokstur á Sauðárkróki fyrir árin 2015 til 2018.
Nefndin leggur til að rætt verði við verktaka um mögulegar breytingar á skipulagi snjómoksturs. Formanni og sviðstjóra falið að boða verktaka á fund.

Lögð var fram til kynningar útkomuspá fyrir fjárhagsárið 2015 fyrir málaflokk 08 - hreinlætismál.

Lögð var fyrir fundinn útkomuspá fyrir fjárhagsárið 2015 fyrir málaflokk 10 - umferðar- og samgöngumál.

Lögð var fyrir fundinn útkomuspá fyrir fjárhagsárið 2015 fyrir málaflokk 11 - umhverfismál.