Umhverfis- og samgöngunefnd Svf Skagafjarðar

Lagt var fram til kynningar erindi frá Benedikt Lafleur vegna þarfagreiningar á svæði norðan og sunnan við nýja garðinn í smábátahöfninni á Sauðárkróki.
Nefndin þakkar Benedikt fyrir erindið en bendir á að skipulagsvinna vegna hafnarsvæðisins og gamla bæjarins er þegar hafin og verður þarfagreining á svæðinu hluti af þeirri vinnu.

Vinna við gerð skjólgarðs við smábátahöfnina á Sauðárkróki hófst 29. janúar sl.
Búið er að keyra fyllingarefni í ca. 100m af 150m og er grjótröðun hafin í hluta garðsins.
Verklok verksins eru 15. maí nk.
Við framkvæmdina myndast um 1.800m2 svæði sem fylla þarf upp í.
Fylling svæðiðsins var ekki innifalinn í útboði en áætlaður kostnaður við fyllingu er um 6,5 milljónir.
Nefndin leggur til að beðið verði með fyllingu á svæðinu þar til síðar þar sem mögulega má nýta dýpkunarefni til uppflyllingar á svæðinu.

Olís hf. hefur óskað eftir að fá að setja upp flotbryggjueiningar við suðurgarð á Sauðárkróki og koma þar upp olíudælum til að þjónusta smábátasjómenn.
Í dag eru olíudælur staðsettar uppi á bryggjunni og þurfa þeir sem dæla á báta sína að klifra upp stiga á bryggjuþilinu til að komast að dælunum.
Flotbryggjueiningarnar verða 8 eða 12m á lengd og staðsettar á sama stað og núverandi dælur. Stálbitar verða soðnir utan á þilið og bryggjan tengd við stálbitana þannig að hún fylgi sjávarföllum. Komið verður fyrir um 8m löngum landgangi frá flotbryggjunum og upp á land.
Olís hf. greiðir fyrir flotbryggjurnar og uppsetningu þeirra ásamt að sjá um nauðsynlegt viðhald á þeim.
Nefndin samþykkir framkvæmdina en leggur áherslu á að ströngustu kröfum verði fylgt varðandi mengunarvarnir.

Fundargerðir Hafnarsambands Íslands, 381. fundur frá 18.janúar og 382. fundur frá 24. febrúar 2016 lagðar fram til kynningar.

Formanni og sviðstjóra falið að vinna að útgáfu bæklings um flokkun á sorpi.

Lögð var fram til kynningar samþykkt svæðisáætlun Norðurlands í úrgangsmálum.
Svæðisáætlunin tekur til 18 sveitarfélaga á Norðurlandi og hefur hún verið samþykkt í öllum sveitarfélögum.
Þann 25. febrúar sl. var haldin fundur þar sem fulltrúar sveitarfélaganna komu saman og ræddu áframhaldandi samvinnu í úrgangsmálum á svæðinu. Formaður umhverfis- og samgöngunefndar og sviðstjóri sátu fundinn fyrir hönd Sveitarfélagsins Skagafjarðar.

Lagt var fyrir erindi frá Björgvini Guðmundssyni vegna endurheimtingu votlendis í svonefndum flóa norðan við Hofsós.
Erindið var tekið fyrir fund nefndarinnar í janúar sl. og sviðstjóra þá falið að kanna eignarhald á landinu.
Sveitarfélagið Skagafjörður er eigandi umrædds lands.
Formanni og sviðstjóra falið að kanna málið nánar og fá frekari upplýsingar um endurheimt votlendis og áhrifa á umliggjandi landsvæði.