Umhverfis- og samgöngunefnd Svf Skagafjarðar

Lögð voru fyrir fundinn drög að fjárhagsáætlun Skagafjarðarhafna fyrir árið 2017.

Nefndin samþykkir áætlunina og vísar til Byggðarráðs.

Lögð var fyrir fundinn tillaga um gjaldskrárbreytingar Skagafjarðarhafna fyrir árið 2017. Tillagan gerir ráð fyrir 10,1% hækkun á útseldri vinnu samkvæmt breytingu á launavísitölu sl. 12 mánuði.

Almennir liðir, utan útseldrar vinnu, hækka um 1,8% samkvæmt hækkun vísitölu neysluverðs síðastliðna 12 mánuði. Með almennum liðum er átt við skipagjöld, vörugjöld, leigu á gámasvæði, sorphirðu, hafnsögugjöld, hafnsögubát, vatnssölu og vigtargjöld.

Nefndin samþykkir tillöguna og vísar til Byggðarráðs.

Fundargerðir stjórnar Hafnarsambands Íslands frá 29. apríl, 17. maí,16. ágúst, 19. september, 12. október og 11. nóvember 2016 lagðar fram til kynningar.

Lögð voru fram til kynningar drög að sóttvarnaráætlun fyrir hafnir og skip. Áætlunin er liður í viðbragsáætlun almannavarna og er unnin af sóttvarnarlækni, ríkislögreglustjóra, Hafnasambandi Íslands, Landhelgisgæslunni, Tollstjóranum, Samgöngustofu, Umhverfisstofnun og Heilbrigðiseftirliti Sveitarfélaga.

Lögð var fram til kynningar skýrsla innanríkisráðherra um stöðu hafna.

Lögð voru fyrir fundinn drög að skipulagslýsingu hafnarsvæðis á Sauðárkróki.

Nefndin samþykkir skipulagslýsinguna fyrir sitt leyti.

Fundargerðir Heilbrigðisnefndar Norðulands vestra frá 7. og 16. júní, 15. september og 10. nóvember 2016 lagðar fram til kynningar.

Lagt var fram til kynningar minnisblað frá Veitu- og framkvæmdasviði þar sem farið er yfir mögulegar breytingar á sorpflokkun og sorphirðu í dreifbýli í Skagafirði.

Unnið verður áfram að útfærslu breytinganna. Stefnt að innleiðingu sorpflokkunar í dreifbýli árið 2017.

Lögð voru fyrir fundinn drög að fjárhagsáætlun fyrir Brunavarnir Skagafjarðar fyrir árið 2017.

Nefndin samþykkir áætlunina og vísar til Byggðarráðs.

Lögð var fyrir fundinn tillaga um gjaldskrárbreytingar Brunavarna Skagafjarðar fyrir árið 2017. Tillagan gerir ráð fyrir 5,5% hækkun á útseldri vinnu og leigu tækja. Gjaldskrá vegna slökkvitækjaþjónustu önnur en þeir liðir sem innihalda vinnu munu ekki hækka.

Nefndin samþykkir tillöguna og vísar til Byggðarráðs.