Umhverfis- og samgöngunefnd Svf Skagafjarðar

Rætt var um framkvæmd umhverfisdaga 2019.
Sigfús Ólafur Guðmundsson, verkefnastjóri, sat fundinn undir þessum lið.
Umhverfisdagar verða haldnir dagana 15. til 19. maí nk.
Umhverfisnefnd hvetur íbúa, fyrirtæki og félagasamtök til þátttöku í átakinu.
Dagskrá og fyrirkomulag dagana verður nánar auglýst innan tíðar.

Ræddar voru merkingar á gámasvæðum í dreifbýli í Sveitarfélaginu.
Sigfús Ólafur Guðmundsson, verkefnastjóri, sat fundinn undir þessum lið.
Ákveðið að merkja gámasvæði með ítarlegri upplýsingum um flokkun og frágang sorps á gámasvæðum.

Lagður var fram tölvupóstur frá Kiwanisklúbbnum Freyju varðandi samstarf um uppbyggingu fjölskyldugarðs í Sauðárgili.

Lögð var fram til umsagnar samgöngu- og innviðaáætlun Norðurlands vestra.
Áætlunin er unnin af 7 manna samgöngu- og innviðanefnd á vegun Samtaka Sveitarfélaga á Norðurlandi vestra, SSNV. Nefndin var skipuð fulltrúum frá öllum sveitarfélögum á starfssvæði samtakanna.
Í áætluninni er lögð fram tillaga að samgönguáætlun fyrir Norðurland vestra til næstu 15 ára, frá 2018 til 2033. Tillagan nær yfir vegamál, hafnamál, flugvelli, almenningssamgöngur, hitaveitur, raforkukerfi og fjarskiptamál.
Umhverfis- og samgöngunefnd felur sviðstjóra að taka saman athugasemdir nefndarinnar og vísa þeim til byggðarráðs.

Þann 8. og 9. apríl sl. voru haldnir þrír opnir fundir á vegum umhverfis- og samgöngunefndar um málefni sorphirðu í dreifbýli. Fundirnir, sem haldnir voru í Varmahlíð, á Hofsósi og í Fljótum, voru ágætlega sóttir og sköpuðust gagnlegar umræður um málefnið. Á öllum fundum var rætt um skort á kynningu og fræðslu um flokkun og frágang á sorpi á gámasvæðum og er þegar hafin vinna við að bæta þar úr, m.a. með merkingum og endurskoðun á kynningarefni.