Atvinnu-, menningar- og kynningarnefnd Svf Skagafjarðar

Til fundar kom Sigríður Sigurðardóttir safnvörður Byggðasafns Skagfirðinga og kynnti ársskýrslu Byggðasafns Skagfirðinga fyrir árið 2016 og starfsemi safnsins. Rætt var um mögulega framtíðarskipan húsa og muna safnsins. Atvinnu-, menningar- og kynningarnefnd þakkar starfsmönnum safnsins fyrir gott starf sem birtist í formi Íslensku safnaverðlaunanna 2016. Óskar nefndin starfsmönnum og Skagfirðingum öllum til hamingju með þann heiður.

Atvinnu-, menningar- og kynningarnefnd samþykkir fyrirliggjandi drög að samningi á milli Þjóðminjasafns Íslands og Byggðasafns Skagfirðinga um umsjón með Víðimýrarkirkju.

Afgreiðslu frestað.

Tekið fyrir erindi frá Sólborgu Unu Pálsdóttur héraðsskjalaverði þar sem óskað er eftir leyfi nefndarinnar til að breyta tilhögun vinnu- og varðveislurýmis safnsins. Áformin samþykkt enda rúmast þau innan fjárhagsramma Héraðsskjalasafns Skagfirðinga.

Bryndís Lilja Hallsdóttir verkefnastjóri kynnti verkefnið Arctic Coast Way, áfangaskýrslu, framgang þess og næstu skref. Atvinnu-, menningar- og kynningarnefnd lýsir yfir ánægju sinni með þá vinnu sem farið hefur fram í stýrihópnum og vonar að verkefnið fái brautargengi áfram.

Atvinnu-, menningar- og kynningarnefnd samþykkir fyrirliggjandi drög að samningi á milli Sveitarfélagsins Skagafjarðar og Álfakletts ehf. um rekstur tjaldsvæðanna á Sauðárkróki, Hofsósi og í Varmahlíð 2017 til ársloka 2026.

Tekin fyrir styrkbeiðni frá Huldu Jónasdóttur, fyrir hönd aðstandenda vegna dagskrár 60 ára afmælis Danslagakeppni Kvenfélags Sauðárkróks.

Atvinnu-, menningar- og kynningarnefnd samþykkir að veita kr. 300.000,- til viðburðarins sem tekinn er af fjárhagslið 05890.