Atvinnu-, menningar- og kynningarnefnd Svf Skagafjarðar

Atvinnu-, menningar- og kynningarnefnd felur starfsmönnum sínum að kanna áhuga fyrirtækja, stofnana og félagasamtaka á því að halda atvinnulífssýningu í íþróttahúsinu á Sauðárkróki vorið 2018. Reynist almennur áhugi fyrir því samþykkir nefndin að standa fyrir sýningunni.

Tekið fyrir erindi frá JS/Island um útgáfu kynningarrits um Sveitarfélagið Skagafjörð. Atvinnu-, menningar- og kynningarnefnd samþykkir að fara í samstarf um slíka útgáfu.

Tekið fyrir erindi frá sjávarútvegs- og landbúnaðarráðuneytinu þar sem bæjar- og sveitarstjórnum er gefinn kostur á að sækja um byggðakvóta fyrir fiskveiðiárið 2017-2018. Atvinnu-, menningar- og kynningarnefnd felur starfsmönnum sínum að sækja um byggðakvóta vegna byggðarlaga innan marka sveitarfélagsins.

Tekin fyrir kynning á málþingi um innanlandsflug sem almenningssamgöngur, sem haldið verður á Hótel Natura, 4. október kl. 13. Stefnt er að því að fulltrúar úr nefndinni sæki málþingið.

Kynnt bréf frá Markaðsstofu Norðurlands þar sem kynnt er leiguflug á milli Bretlands og Akureyrar sem hefst í janúar 2018. Flugið er á vegum bresku ferðaskrifstofunnar Super Break og er flogið frá nokkrum borgum í Bretlandi til Akureyrar.
Atvinnu-, menningar- og kynningarnefnd fagnar beinu flugi á milli Bretlands og Norðurlands og vonar að þessi þróun geti haldið áfram.