Byggðarráð Svf. Skagafjarðar

Fundargerð 1. fundar byggingarnefndar Árskóla lögð fram til afgreiðslu á 562. fundi byggðarráðs, eins og einstök erindi bera með sér.

Fundargerð stjórnar Skagafjarðarveitna frá 23. júní 2011 lögð fram til kynningar á 562. fundi byggðarráðs.

Fundargerð 9. fundar samstarfsnefndar með Akrahreppi lögð fram til afgreiðslu á 562. fundi byggðarráðs eins og einstök erindi bera með sér.

Fundargerð 3. fundar byggingarnefndar Árskóla lögð fram til afgreiðslu á 562. fundi byggðarráðs eins og einstök erindi bera með sér.

Fundargerð 2. fundar byggingarnefndar Árskóla lögð fram til afgreiðslu á 562. fundi byggðarráðs eins og einstök erindi bera með sér.

Stjórn Kolkuóss ses kom á fund byggðarráðs til að ræða m.a. ósk sína um möguleg kaup á þeim hluta jarðarinnar Kolkuóss sem fellur undir leigusamningi sem gerður var um landið þann 7. júní 2003.

Lagður fram til kynningar ráðningarsamningur frá 15. september 2010 við Ástu Björgu Pálmadóttur sveitarstjóra.

Lagðar fram til kynningar upplýsingar um rekstur sveitarfélagsins og stofnana þess fyrir tímabilið janúar-júní 2011.

Lögð fram til kynningar drög að reglum um framlög úr Jöfnunarsjóði sveitarfélaga til eflingar tónlistarnáms og jöfnunar á aðstöðumun nemenda.

Lagður fram til kynningar afrit af undirskriftalista eigenda og/eða umráðamanna jarða í framhluta Skagafjarðar vestanverðum, þar sem þau hafna alfarið lagningu 220kV háspennulínu, svonefndar Blöndulínu 3, um jarðir þeirra.

Lagt fram erindi frá sýslumanninum á Sauðárkróki þar sem óskað er umsagnar um umsókn Videosports ehf. um flutning á vínveitingaleyfi sínu í veitingatjald við Loðskinn ehf, Borgarmýri 5, föstudaginn 12. og laugardaginn 13. ágúst n.k. vegna tónlistarhátíðarinnar Gærunnar.

Byggðarráð gerir engar athugasemdir við umsóknina.

Lagt fram erindi frá sýslumanninum á Sauðárkróki þar sem óskað er umsagnar um umsókn Ragnars P. Péturssonar fh. Raggmann ehf um tækifærisleyfi fyrir tónlistarhátíðina Gæruna sem haldin verður í húsnæði Loðskinns ehf, Borgarmýri 5, dagana 12. - 14. ágúst 2011.

Byggðarráð gerir engar athugasemdir við umsóknina.

Lagður fram tölvupóstur frá nefndasviði Alþingis, þar sem óskað er umsagnar um frumvarp stjórn fiskveiða (uppboð aflaheimilda), 839. mál, sem er til umræðu í sjávarútvegs- og landbúnaðarnefnd Alþingis. Óskað er að umsögnin berist fyrir 20. ágúst 2011.

Afgreiðslu frestað til næsta fundar.

Lagður fram tölvupóstur frá nefndasviði Alþingis, þar sem óskað er umsagnar um frumvarp til laga um stjórn fiskveiða (heildarlög), 827. mál, sem er til umræðu í sjávarútvegs- og landbúnaðarnefnd Alþingis. Óskað er að umsögnin berist fyrir 20. ágúst 2011.

Sigurjón Þórðarson óskar bókað: "Mikilvægt er að sveitarfélagið sendi inn vandaða umsögn frumvarpið þar sem varað er við að festa kvótakerfið í sessi eins og boðað er í frumvarpinu til næstu 23 ára.

Árangur núverandi aflamarkskerfis við að byggja upp botnfiskstofna er einfaldlega hræðilegur. Áætlaður botnfiskafli á næsta fiskveiðiári í þorski, ýsu, ufsa, gullkarfa, djúpkarfa, grálúðu, skarkola og steinbít er í öllum tegundum minni en það sem veiddist á árinu 1983 áður en kvótakerfið en aflamarkskerfið var tekið upp. Kerfið hefur greinilega ekki skilað meiri afla á land eins og upphafleg fyrirheit báru með sér en þau voru að kerfið myndi skila innan fárra ára liðlega 500 þúsund tonna jafnstöðuafla. Á næsta fiskveiðiári er fyrirhugað að veiða einungis um 177 tonn af þorski."

Afgreiðslu frestað til næsta fundar.

Byggðarráð Sveitarfélagsins Skagafjarðar veitir Margeiri Friðrikssyni, sviðsstjóra stjórnsýslu- og fjármálasviðs, hér með heimild til skammtímalántöku hjá Lánasjóði sveitarfélaga að fjárhæð allt að 100.000.000 kr. Heimildin gildi út árið 2011.

Lagt fram bréf frá sýslumanninum á Sauðárkróki þar sem óskað er umsagnar um umsókn Ferðaþjónustunnar á Hólum/Bjórseturs Íslands um tækifærisleyfi til að halda Bjórhátíðina Sumbl að Hólum í Hjaltadal, dagana 26.-28. ágúst 2011. Ábyrgðarmaður er Bjarni Kr. Kristjánsson.

Byggðarráð gerir ekki athugasemd við umsóknina.

Lagt fram bréf frá sýslumanninum á Sauðárkróki þar sem óskað er umsagnar um umsókn Ólafs Jónssonar um nýtt rekstrarleyfi til að starfrækja veitingastað, flokkur I - veisluþjónusta og veitingaverslun, að Hellulandi.

Byggðarráð gerir ekki athugasemd við umsóknina.