Byggðarráð Svf. Skagafjarðar

Rætt um fyrrum Árvistarhúsið (213-1566 04 0101), sem stendur við Freyjugötu 25 á barnaskólalóðinni.
Byggðarráð samþykkir að fela byggingarfulltrúa að gera sérstaka lóð undir húsið út úr lóð barnaskólans. Í framhaldi verði svo hugað að því að selja húsið.

Lagt fram til kynningar.
Í 6. gr. samþykkta Sambands íslenskra sveitarfélaga er kveðið á um dagskrá landsþings og hvaða mál skulu tekin fyrir eða lögð fram.
Í i)-lið er kveðið á um að taka skuli fyrir "mál sem sveitarstjórn, samtök sveitarfélaga eða þingfulltrúi óskar eftir að að leggja fram". Tillögur um mál samkvæmt framangreindum lið skal senda stjórn sambandsins eigi síðar en tveimur vikum fyrir landsþing. Heimilt er þó að leggja mál fyrir landsþing með skemmri fyrirvara, ef 2/3 hlutar viðstaddra þingfulltrúa samþykkja.
Eins og áður hefur komið fram hefst landsþingið síðdegis miðvikudaginn 24. september nk.
Hér með er óskað eftir því að mál sem sveitarstjórn vill leggja fram á landsþinginu til umræðu verði send í síðasta lagi þriðjudaginn 9. september nk. svo ráðrúm gefist til þess að koma þeim á dagskrá stjórnarfundar föstudaginn 12. september.

Lagt fram bréf frá Vinnumálastofnun, dagsett 25. ágúst 2014, þar sem stofnunin segir upp leigusamningi við sveitarfélagið um húsnæði á Faxatorgi 1, Sauðárkróki, með árs fyrirvara. Einnig er óskað eftir því að fá að auglýsa umrætt húsnæði til framleigu á meðan uppsagnarfresti stendur.
Byggðarráð leggur fram og samþykkir svohljóðandi bókun:
Byggðaarráð Sveitarfélagsins Skagafjarðar harmar þá ákvörðun Vinnumálastofnunar að loka starfsstöð sinni á Sauðárkróki. Ákvörðun um slíkt er í algjörri andstöðu við stefnu ríkisstjórnarinnar um fjölgun opinberra starfa á landsbyggðinni og á skjön við þá byggðastefnu sem boðuð hefur verið. Byggðarráð hvetur stjórnvöld til að tryggja að forstöðumenn ríkisstofnana gangi í takt við stefnu ríkisstjórnarinnar í byggðamálum og standi vörð um opinber störf á landsbyggðinni. Í ljósi þessa hvetur byggðarráð Vinnumálastofnun til að endurskoða ákvörðun sína varðandi lokun starfstöðvarinnar á Sauðárkróki.
Stefán Vagn Stefánsson
Sigríður Svavarsdóttir
Bjarni Jónsson
Gréta Sjöfn Guðmundsdóttir

Lagður fram viðauki við fjárhagsáætlun 2014 vegna lagfæringar á síun yfirborðsvatns úr Sauðá. Áætlaður kostnaður er 4.300.000 kr. sem gjaldfærist á málaflokk 63.
Byggðarráð samþykkir framlagðan viðauka og kostnaðinum mætt með lækkun á handbæru fé.

Síun á yfirborðsvatni í Sauðárgili. Byggðarráð samþykkir að verkið verði unnið samkvæmt áætlun veitunefndar. Kostnaðaráætlun er 4.300.000 kr.

Lagður fram viðauki við fjárhagsáætlun 2014 vegna borunar hitaveituholu og prufudælingar í Langhúsum í Fljótum. Áætlaður kostnaður er 3.000.000 kr. sem eignfærist á málaflokk 67.
Byggðarráð samþykkir framlagðan viðauka og kostnaðinum mætt með lækkun á handbæru fé.

Borun við Dælislaug í landi Langhúsa í Fljótum. Stefnt er að borun og álagsprófun holunnar í haust. Byggðarráð samþykkir að verkið verði unnið. Áætlaður kostnaður 3.000.000 kr.

Breyta þarf bókun 669. fundar byggðarráðs vegna aðalfundar Róta bs., þriðjudaginn 30. september 2014, kl. 13:00 í Menningarhúsinu Dalvík. Samtals eiga aðildar sveitarfélögin rétt á að senda 42 fulltrúa á fundinn og þar af Sveitarfélagið Skagafjörður 11 fulltrúa.
Byggðarráð samþykkir að eftirtalin verði fulltrúar sveitarfélagsins á fundinum: Stefán Vagn Stefánsson, Sigríður Magnúsdóttir, Bjarki Tryggvason, Viggó Jónsson, Þórdís Friðbjörnsdóttir, Gunnsteinn Björnsson, Gísli Sigurðsson, Hildur Magnúsdóttir, Sigurjón Þórðarson, Inga Huld Þórðardóttir og Ásta Pálmadóttir sveitarstjóri.
Til vara: Ísak Óli Traustason, Hrund Pétursdóttir, Einar E. Einarsson, Jóhannes Ríkharðsson, Haraldur Þór Jóhannsson.