Byggðarráð Svf. Skagafjarðar

Lögð fram svohljóðandi tillaga um útsvarshlutfall árið 2011 í Sveitarfélaginu Skagafirði:

"Sveitarstjórn samþykkir að útsvarshlutfall árið 2011 verði óbreytt, þ.e. 13,28%, en með fyrirvara um að nauðsynlegar lagabreytingar nái fram að ganga á Alþingi um tilfærslu þjónustu við fatlaða frá ríki til sveitarfélaga og hækkun útsvarshlutfalls um 1,20 prósentustig sem af því leiðir, verður álagningarhlutfallið 14,48% á árinu 2011."

Byggðarráð samþykkir tillöguna.

Lögð fram drög að fjárhagsáætlun ársins 2011 fyrir sveitarfélagið og stofnanir þess.

Byggðarráð samþykkir að leggja fram til fyrri umræðu í sveitarstjórn fjárhagsáætlun í samræmi við áður úthlutaðan fjárhagsramma. Ljóst er þó að tekjuliðir fjárhagsrammans muni ekki standast og er þörf á frekari endurskoðun rekstrarútgjalda af hálfu nefnda. Byggðarráð mun óska eftir að formenn nefnda og sviðsstjórar mæti á næsta fund byggðarráðs til að ræða allar leiðir til hagræðingar í rekstri.

Lögð fram tillaga um breytingu á gjaldskrá Hafnarsjóðs Skagafjarðar frá og með 1. janúar 2011. Tillagan var samþykkt á 62. fundi umhverfis- og samgöngunefndar.

Byggðarráð samþykkir gjaldskrárbreytinguna.

Lagt fram til kynningar bréf frá sveitarstjóra til ráðherra samgöngu- og sveitarstjórnarmála varðandi ósk um áframhaldandi stuðning ríkisins við áætlunarflug til og frá Alexandersflugvelli við Sauðárkrók.

Lagt fram til kynningar bréf frá samgöngu- og sveitarstjórnarráðuneytinu til sveitarfélaga varðandi skil á fjárhagsáætlun þeirra fyrir árið 2011.

Lagðar fram til kynningar upplýsingar frá Hagstofu Íslands um útsvarsstofn í Sveitarfélaginu Skagafirði árið 2009 og tímabilið janúar-júlí 2010, eftir atvinnugreinum.