Byggðarráð Svf. Skagafjarðar

Lagður fram tölvupóstur, dagsettur 26. apríl 2016, frá félagsmönnum í Sólon myndlistarfélagi, þar sem óskað er eftir að fá að senda fulltrúa á fund byggðarráðs til að ræða húsnæðismál félagsins.
Byggðarráð samþykkir að fela sveitarstjóra að boða fulltrúa Sólon myndlistarfélags til fundar með ráðinu.

Lagður fram tölvupóstur frá sýslumannsembættinu á Norðurlandi vestra, dagsettur 29. apríl 2016, þar sem óskað er umsagnar um umsókn Auðuns Jakobs Pálssonar, kt. 020170-4920 fyrir hönd fyrirtækisins Fagrihvoll ehf., kt. 430216-1980 um leyfi til að reka gististað í flokki II (íbúð) að Grund 1, 565 Hofsós. Fastanúmer 214-3756.
Byggðarráð gerir ekki athugasemd við umsóknina.

Lagður fram tölvupóstur dagsettur 23. apríl 2016 frá Erling Sigurðssyni, kt. 050564-2239. Óskar hann eftir að taka jörðina Hraun í Unadal á leigu frá og með næstu áramótum, 2016/2017.
Byggðarráð samþykkir að óska eftir umsögn landbúnaðarnefndar um erindið.

Lagður fram tölvupóstur dagsettur 27. apríl 2016 frá Indriða Ragnari Grétarssyni, kt. 251176-5589 þar sem hann vill vekja athygli á miklum umferðarhraða í Túnahverfinu á Sauðárkróki og sér í lagi í og við Laugatún. Óskar hann eftir fjölgun hraðahindrana í hverfinu.
Byggðarráð þakkar Indriða erindið og tekur undir mikilvægi þess að hraðatakmarkanir séu virtar. Byggðarráð felur sveitarstjóra að vekja athygli á með auglýsingu að nú sé kominn sá árstími að börn eru meira úti í umferðinni og að ökumenn virði umferðarreglur.

Sjá trúnaðarbók.

Lagður fram ársreikningur Sveitarfélagsins Skagafjarðar og stofnana fyrir árið 2015. Kristján Jónasson lögg. endurkoðandi hjá KPMG hf., fór yfir og kynnti reikninginn.
Byggðarráð samþykkir að vísa ársreikningnum til fyrri umræðu í sveitarstjórn.
Undir þessum dagskrárlið sátu sveitarstjórnarfulltrúarnir Viggó Jónsson, Bjarki Tryggvason, Sigríður Magnúsdóttir, Gísli Sigurðsson og Þórdís Friðbjörnsdóttir véku þau síðan af fundi.