Byggðarráð Svf. Skagafjarðar

Lagt fram bréf dagsett 11. desember 2017 frá héraðsnefnd Húnavatns- og Skagafjarðarprófastsdæmis þar sem Sveitarfélaginu Skagafirði er gert kauptilboð í eignarhlut prófastsdæmisins í fasteignunum við Hásæti 5a-d á Sauðárkróki.
Byggðarráð samþykkir að gera héraðsnefndinni gagntilboð.

Í framhaldi af bókun 796. fundar byggðarráðs þann 19. október 2017 sendi sveitarstjóri Byggðastofnun tilboð í 35% eignarhluta stofnunarinnar í fasteigninni Skagfirðingabraut 17-21, fastanúmer 213-2118. Lagður fram tölvupóstur frá Byggðastofnun, dagsettur 11. desember 2017 þar sem tilkynnt er að stjórn stofnunarinnar hafi samþykkt tilboð Sveitarfélagsins Skagafjarðar í eignarhluta hennar í framangreindri fasteign.
Byggðarráð samþykkir að fela sveitarstjóra að ganga frá samningum um kaupin. Fjármögnunin er tekin af fjárfestingarlið eignasjóðs árið 2017.

Lagt fram kauptilboð frá Regínu Jóhannesdóttur í fasteignina Birkimel 8a, Varmahlíð, fastanúmer 214-0786.
Byggðarráð samþykkir að gera Regínu gagntilboð.

Erindið áður á dagskrá 794. fundar byggðarráðs þann 19. september 2017. Lögð fram drög að samningi milli Sveitarfélagsins Skagafjarðar og Skíðadeildar Tindastóls um rekstur skíðasvæðisins í Tindastóli.
Byggðarráð samþykkir framlögð drög með áorðnum breytingum.

Byggðarráð samþykkir að kaupa nýja skíðalyftu fyrir skíðasvæðið í Tindastóli með þeim fyrirvara að samningur um rekstur skíðasvæðisins hafi verið undirritaður. Fjármögnun kaupanna er tekin af fjárfestingarlið eignarsjóðs á árinu 2017.

Lagðar fram til kynningar upplýsingar úr rekstri sveitarfélagsins og stofnana fyrir tímabilið janúar-október 2017.

Lagður fram til kynningar tölvupóstur dagsettur 28. nóvember 2017 frá Sjálfsbjörg, landssambandi hreyfihamlaðra varðandi aðgengisverkefni sambandsins sem var notendaúttekt á sundlaugum. Sundlaugarnar í Varmahlíð og á Hofsósi voru skoðaðar og athugasemdir gerðar við aðgengi hreyfihamlaðra að báðum, utan og innan mannvirkis.

Ómar Bragi Stefánsson framkvæmdastjóri Landsmóts UMFÍ kom á fundinn og kynnti fyrirhugaða dagskrá og umfang Landsmóts UMFÍ 2018 á Sauðárkróki. Einnig sátu fundinn undir þessum dagskrárlið Gunnar Þór Gestsson stjórnarmaður í UMFÍ, Thelma Knútsdóttir framkvæmdastjóri UMSS, Indriði Einarsson sviðsstjóri veitu- og framkvæmdasviðs, Ingvar Gýgjar Sigurðarson verkstjóri veitu- og framkvæmdasviðs, Sigfús Ingi Sigfússon verkefnisstjóri, Bryndís Lilja Hallsdóttir verkefnisstjóri, Þorvaldur Gröndal forstöðumaður íþrótta- og æskulýðsmála, Selma Barðdal skólafulltrúi og Viggó Jónsson sveitarstjórnarmaður.