Byggðarráð Svf. Skagafjarðar

Lagt fram bréf frá Brú-lífeyrissjóð þar sem kemur fram að greiðslufrestur er framlengdur til 15.febrúar n.k. á uppgjöri vegna breytinga á A deild Brúar lífeyrissjóðs.
Byggðarráð samþykkir fyrirliggjandi uppgjör launagreiðenda til A deildar Brúar lífeyrissjóðs með fyrirvara um yfirferð umbeðinna gagna.
Byggðarráð samþykkir einnig að taka lán hjá Lánasjóði sveitarfélaga til greiðslu uppgjörs og felur sveitarstjóra að óska eftir láni hjá sjóðnum.

Á 810.fundi Byggðarráðs var ákveðið að kjósa í nýja stjórn Skagfirskra leiguíbúða hses.
Í stjórn eru tilnefndir: Sigríður Magnúsdóttir, Gísli Sigurðsson og Sigurjón Þórðarson.
Í varastjórn eru tilnefndir: Sigríður Svavarsdóttir, Stefán Vagn Stefánsson og Steinunn Rósa Guðmundsdóttir.

Byggðarráð tekur undir umsögn Félags-og tómstundanefndar sem og umsögn sambandsins. Byggðarráð felur sveitarstjóra að ganga frá umsögn fyrir hönd sveitarfélagsins.
Gréta Sjöfn Guðmundsdóttir vék af fundi undir þessum dagskrárlið.

Byggðarráð tekur undir umsögn Félags-og tómstundanefndar sem og umsögn sambandsins. Byggðarráð felur sveitarstjóra að ganga frá umsögn fyrir hönd sveitarfélagsins.
Gréta Sjöfn Guðmundsdóttir vék af fundi undir þessum dagskrárlið.

Byggðarráð ítrekar fyrri bókun sína um fækkun dómþinga og óskar eftir samráði og samvinnu um allar breytingar sem kunna að verða á starfssemi Héraðsdóms Norðurlands vestra. Byggðarráð Sveitarfélagsins Skagafjarðar mótmælir því harðlega að annað verklag sé viðhaft. Byggðarráð skorar á ráðherra að standa vörð um Héraðsdóm Norðurlands vestra og tryggja að tíðni reglulegra dómþinga verði ekki skert. Ljóst er að með því að fækka reglulegum dómþingum myndi þjónusta við íbúa svæðisins skerðast og er það verulega afleit byggðastefna. Samfara boðaðri eflingu dómstiga í landinu skorar byggðarráð á ráðherra að líta til að styrkja Héraðsdóm Norðurlands vestra frekar en að veikja hann.

Niðurstaða fundar færð í trúnaðarbók.

Lagt fram bréf frá Sambandi íslenskra sveitarfélaga sem felur í sér leiðbeiningar á því hvernig Sambandið telur að innleiðingaferli geti litið út við innleiðingu á persónuverndarlöggjöf hjá sveitarfélögum.

Lagt fram erindi frá Ráðrík ehf. til kynningar á námskeiði sem fyrirtækið heldur. Meginmarkmið námskeiðsins er að höfða til hins almenna íbúa, vekja áhuga hans á sveitarstjórnarmálum og hvetja hann til þátttöku.
Sveitarstjóra falið að afla frekari gagna.

Lagður fram tölvupóstur til kynningar frá Róbert Bjarnasyni um samráðslýðræði í sveitarfélögum.

Lagður fram tölvupóstur frá Sambandi íslenskra sveitarfélaga til kynningar um fundi og ályktanir EES EFTA sveitarstjórnarvettvangsins.

Lagður fram til kynningar tölvupóstur frá Sambandi íslenskra sveitarfélaga um ábendingar um hvernig hægt sé að verjast spillingu í opinberum innkaupum.

Lögð fram til kynningar fundargerð stjórnar SSNV frá 9.janúar 2018.

Lögð fram til kynningar fundargerð stjórnar Markaðsstofu Norðurlands frá 11.desember 2017.