Byggðarráð Svf. Skagafjarðar

Lögð fram styrkbeiðni frá Sjónarhól - ráðgjafamiðstöð fyrir fjölskyldur barna með sérþarfir. Byggðarráð þakkar erindið en sér sér ekki fært að verða við því.

Lagt fram erindi frá Snorrasjóði þar sem óskað er eftir stuðningi við Snorraverkefnið sumarið 2011. Byggðarráð þakkar erindið en sér sér ekki fært að verða við því.

Lagt fram erindi frá sýslumanninum á Sauðárkróki, þar sem óskað er umsagnar um umsókn Ferðaþjónustunnar Steinsstöðum, kt. 690704-4390, um nýtt rekstrarleyfi fyrir sumarhús í Laugarhvammi. Gististaður - flokkur I.

Byggðarráð gerir ekki athugasemd við umsóknina.

Lagt fram erindi frá sýslumanninum á Sauðárkróki, þar sem óskað er umsagnar um umsókn Ferðaþjónustunnar Steinsstöðum, kt. 690704-4390, um nýtt rekstrarleyfi fyrir samkomusal í Laugarbóli. Gististaður - flokkur II og samkomusalur - flokkur I.

Byggðarráð gerir ekki athugasemd við umsóknina.

Lagt fram erindi frá sýslumanninum á Sauðárkróki, þar sem óskað er umsagnar um umsókn Ferðaþjónustunnar Steinsstöðum, kt. 690704-4390, um endurnýjun á rekstrarleyfi fyrir Steinsstaðaskóla. Gististaður - flokkur III.

Byggðarráð gerir ekki athugasemd við umsóknina.

Lögð fram styrkbeiðni frá Fjölskylduhjálp Íslands. Byggðarráð þakkar erindið en sér sér ekki fært að verða við því.

Í framhaldi af bókun 534. fundar byggðarráðs um skipun þriggja manna ráðgjafarnefnd, sem fari yfir rekstur sveitarfélagsins og stofnana þess og vinni tillögur með byggðarráði um leiðir til hagræðingar og sparnaðar, er lögð eftirfarandi tillaga um nefndarmenn: Jón Eðvald Friðriksson, Guðmundur Björn Eyþórsson og Guðrún Lárusdóttir. Byggðarráð mun kalla hópinn saman á næsta fundi.

Lagt fram til kynningar minnisblað þar sem fram kemur, að í ljósi fjárhagsstöðu sveitarfélagsins og fyrirhugaðs niðurskurðar í rekstri stofnana, er fallið frá að sinni að ráða í 50% stöðugildi stuðningsfulltrúa við Grunnskólann austan Vatna. Reynt verði að leysa málið með öðrum hætti.

Umræður um fund sem fulltrúar sveitarstjórnar áttu með heilbrigðisráðherra 18. nóvember.

Lögð fram til kynningar skýrsla norrænu samkeppniseftirlitanna um samspil samkeppnisstefnu og umhverfisstefnu, Competition Policy and Green Growth.

Lögð fram til kynningar bókun 62. fundar umhverfis- og samgöngunefndar. Byggðarráð ákveður að senda bókunina á þingmenn kjördæmisins og svæðisstjóra vegagerðarinnar.

Lagt fram til kynningar bréf frá Jöfnunarsjóði sveitarfélaga varðandi uppgjör framlaga vegna húsaleigubóta á árinu 2009.