Byggðarráð Svf. Skagafjarðar

Lögð fram til kynningar viðspyrna Sveitarfélagsins Skagafjarðar sem kynnt hefur verið í fjölmiðlum og á heimasíðu sveitarfélagsins.

Málið áður á dagskrá 914. fundar byggðarráðs þann 13. maí 2020. Lagður fram tölvupóstur dagsettur 16. apríl 2020 frá Valdísi Hálfdánardóttur og Rúnari Þór Númasyni þar sem þau óska eftir að kaupa eða nýta landspildu sem er norðan við Árhólsland. Byggðarráð samþykkti að vísa erindinu til umsagnar landbúnaðarnefndar sem bókaði eftirfarandi: "Landbúnaðarnefnd leggst gegn því að landið verði selt en gerir ekki athugasemdir við að það verði leigt til landbúnaðarnota."
Byggðarráð samþykkir að landið verði leigt til landbúnaðarnota og felur sveitarstjóra að auglýsa það.

Lagt fram aðalfundarboð Landskerfis bókasafna hf. 2020, þann 11. júní 2020, dagsett 29. maí 2020.
Byggðarráð samþykkir að fela Þórdísi Friðbjörnsdóttur héraðsbókaverði að fara með atkvæðisrétt sveitarfélagsins á fundinum.

Lagt fram aðalfundarboð Eyvindarstaðaheiðar ehf., miðvikudaginn 10. júní 2020.
Byggðarráð samþykkir að fela sveitarstjóra að fara með atkvæðisrétt sveitarfélagsins á fundinum.

Lagður fram tölvupóstur frá sýslumannsembætti Norðurlands vestra, úr máli 2005118 og dagsettur 16. maí 2020. Með umsókn dagsettri 08.05.2020 sækir Gústaf Gústafsson, f.h. Hjaltadalur ferðaþjónusta ehf., kt. 480520-0250, um leyfi til að reka veitingastað í flokki II í Hólaskóla, í Hjaltadal, 551 Sauðárkróki. Fastanúmer 214-2788.
Byggðarráð gerir ekki athugasemd við umsóknina.

Lagður fram tölvupóstur frá sýslumannsembætti Norðurlands vestra, úr máli 2002428 og dagsettur 20. maí 2020. Með umsókn dagsettri 10.02.2020 sækir Stefanía Hjördís Leifsdóttir, f.h. Ferðaþjónustunnar Brúnastöðum, kt. 680911-0530, um leyfi til að reka veitingastað í flokki II í Félagsheimilinu Ketilás, 570 Fljót. Fastanr. 214-4081. Byggðarráð gerir ekki athugasemd við umsóknina.

Lagður fram tölvupóstur frá sýslumannsembætti Norðurlands vestra, úr máli 2004146 og dagsettur 20. maí 2020. Með umsókn dagsettri 06.04.2020 sækir Haukur B. Sigmarsson, f.h. Green Highlander, kt.471113-0340, um leyfi til að reka gististað í flokki IV að Deplum, 570 Fljót. Fastanr. 214-3908.
Byggðarráð gerir ekki athugasemd við umsóknina.

Lagður fram tölvupóstur frá sýslumannsembætti Norðurlands vestra, úr máli 2005187 og dagsettur 25. maí 2020. Með umsókn dagsettri 07.05.2020 sækir Bjarni Kristófer Kristjánsson, f.h. Bjórsetur Íslands kt. 530314-0810, um leyfi til að reka krá, veitingaleyfi í flokki II, að Hólum í Hjaltadal, 551 Sauðárkróki. Fastanr.214-2751.
Byggðarráð gerir ekki athugasemd við umsóknina.

Lagt fram til kynningar bréf dagsett 25. maí 2020 frá samgöngu- og sveitarstjórnarráðuneytinu til sveitarstjórna landsins varðandi áhrif Covid-19 faraldurins á opinber fjármál.

Lagður fram til kynningar tölvupóstur dagsettur 28. maí 2020 frá Húsnæðis- og mannvirkjastofnun. Þar kemur fram að að búið er að leggja lokahönd á skýrslu starfshóps um brunamál fyrir Húsnæðis- og mannvirkjastofnun (HMS) og verður hún gefin út á næstu dögum. Aðgerðir til að efla umgjörð brunamála og brunavarna á Íslandi eru m.a. að stórefla brunavarnir og fjölga þeim sem sinna eftirliti með að lögum og reglum sé framfylgt á öllum stigum, allt frá byggingu mannvirkja til þjálfunar slökkviliða, rannsókna á orsökum og fræðslu til almennings. Svið brunaeftirlits og brunavarna verður flutt á starfsstöð HMS á Sauðárkróki og stöðugildum sviðsins fjölgað í átta.

Lögð fram til kynningar viljayfirlýsing milli ríkisstjórnar Íslands og Sveitarfélagsins Skagafjarðar um uppbyggingu koltrefjaframleiðslu í Skagafirði.