Byggðarráð Svf. Skagafjarðar

Í framhaldi af bókun byggðarráðs 13. mars sl. kom Herdís Sæmundardóttir á fundinn til að ræða verkefni sitt og vinnutilhögun framundan. Vék hún svo af fundi. Áskell Heiðar Ásgeirsson sviðsstjóri markaðs- og þróunarsviðs sat fundinn undir þessum dagskrárlið.

Sveitarstjóri lagði fram gögn og kynnti tillögu um breytingu á skipulagi húsnæðis stjórnsýslunnar í Ráðhúsi og Faxatorgi 1. Áætlaður kostnaður er allt að 5 mkr. Byggðarráð samþykkir framlagða tillögu og vísar fjármögnun til viðhaldsliðar eignasjóðs og endurskoðunar fjárhagsáætlunar 2008.

Lagt fram erindi frá Löngumýrarskóla þar sem óskað er eftir að álagning fasteignagjalda á kapelluna (226-5340) verði endurskoðuð. Byggðarráð sér sér ekki fært að verða við erindinu eins og það er lagt fyrir og með tilliti til núverandi skráningar í fasteignaskrá.

Lagt fram boðsbréf dagsett 17. janúar 2008 frá vinabænum Esbo í Finnlandi um vinabæjamót 11.-14. júní 2008. Byggðarráð samþykkir framlagaða tillögu um að þeir aðalfulltrúar í sveitarstjórn sem sjái sér fært að fara verði fulltrúar sveitarfélagsins á vinabæjamótinu auk embættismanna.