Félags- og tómstundanefnd Svf. Skagafjarðar

Lögð fyrir 8 mál, umsóknir samþykktar í 7 málum en að hluta í einu þeirra. Sjá trúnaðarbók.

Lagt fram bréf HS dags. 17. janúar 2011 um tilnefningu í samráðshóp um áfallahjálp. Aðalbjörg Hallmundsdóttir er tilnefnd fulltrúi sveitarfélagsins og Selma Barðdal til vara.

Samþykktur styrkur 70.000 kr. til félagsstarfs eldri borgara á Löngumýri í samræmi við forsendur fjárhagsáætlunar. Greiðist af gjaldalið 02400.

Lögð fram umsókn frá Félagi eldri borgara í Skagafirði. Samþykktur styrkur 210.000 kr. í samræmi við forsendur fjárhagsáætlunar. Greiðist af gjl. 02400

Lögð fram umsókn Kvennaathvarfsins um rekstrarstyrk árið 2011. Samþykktur styrkur kr 80.000 sem er 20% lækkun frá fyrra ári í samræmi við lækkun annarra styrkja.

Vísað frá byggðarráði. Lagt fram bréf velferðarráðherra frá 17. janúar til allra sveitarfélaga í landinu.

Félags- og tómstundanefnd telur ekki ástæðu til breyta reglum um viðmið grunnfjárhæðar sem er nú 82% af atvinnuleysisbótum skv. samþykkt nefndarinnar 14. des. s.l. Að auki hefur félagsþjónustan ýmis önnur úrræði til sérstakrar aðstoðar ef þörf krefur.

Frístundastjóri og Íþróttafulltrúi kynna stöðu málsins. Nefndin telur að hér sé um viðhaldsverkefni að ræða. Dúkurinn í íþróttahúsi Sauðárkróks er 14 ára gamall og endingartími hans talinn 12-18 ár. Ljóst er að skipta þarf um dúk innan fárra ára. Tæknideild hefur verið falið,í samstarfi við íþróttafulltrúa, að vinna kostnaðargreiningu á verkinu og óskað nefndin eftir að þeirri vinnu verði lokið í mars.