Félags- og tómstundanefnd Svf. Skagafjarðar

Umsjónarmanni íþróttamannvirkja er falið að ganga frá heimild til merkingar á gólfi íþróttahússins á Sauðárkróki í samræmi við samþykkt nefndarinnar frá fundi 178 þann 8. nóvember 2011.
Erindi um nafnbreytingu á íþróttahúsinu á Sauðárkróki frá körfuknatteliksdeild Tindastóls vísað til umsjónarmanns íþróttamannvirkja til skoðunar í ljósi umræðna á fundinum. Afgreiðslu þessa hluta fyrirspurnarinnar frestað.

Félags- og tómstundanefnd beinir þeim tilmælum til félagasamtaka og annarra sem skipuleggja viðburði fyrir börn að hafa í huga ákvæði Barnaverndarlaga um útivistartíma barna við ákvöðrum um tímasetningu slíkra viðburða. Einnig brýnir nefndin fyrir foreldrum að taka höndum saman um að virða útivistartímann. Nefndin felur félagsmálastjóra að senda bréf á þá sem sinna barna og unglingastarfi auk þess að taka málið fyrir í forvarnahópi.

Lagt fram til kynningar bréf fjármálastjóra um samþykkt byggðarráðs um fjárhagsramma gjaldaliða og undirbúning fjárhagsáætlunar. Sviðsstjóra falið að undirbúa umfjöllun nefndarinnar um fjárhagsáætlun.

Lögð fram að nýju til kynningar fjárhagsáætlun SSNV um málefni fatlaðra fyrir árið 2013, sem samþykkt var á þingi SSNV með fyrirvara um tekjuforsendur Jöfnunarsjóðs fyrir.

Kynnt bréf frá samtökunum Veraldarvinum sem vísað var til nefnda frá byggðarráði 28.09.2012. Veraldarvinir leita eftir verkefnum frá sveitarfélögum fyrir sjálfboðaliða á vegum samtakanna. Nefndin vísar til forstöðumanna rekstrareininga að skoða hvort slíkt samstarf komi til greina enda rúmist þá kostnaður innan fjárheimilda og skoðist nánar við gerð fjárhagsáætlunar.

Þjónustuhópur SSNV hefur unnið tillögur að reglum byggðasamlagsins um notendastýrða persónulega aðstoð og sent þær til umsagnar sveitarfélaganna. Félags- og tómstundanefnd mælir með að reglurnar verði samþykktar í fyrirliggjandi drögum en að þær verði endurskoðaðar í ljósi reynslunnar vorið 2013

Félagsmálastjóri gerir grein fyrir fundargerðinni

Félagsmálastjóri gerir grein fyrir fundargerðinni

Félagsmálastjóri gerir grein fyrir fundargerðinni

Félagsmálastjóri gerir grein fyrir fundargerðinni

Lögð fram 8 erindi í 5 málum, sjá trúnaðarbók. Einnig kynnir félagsmálastjóri umsóknir um NPA í ljósi regludraganna sem liggja til grundvallar tillögum til þjónustuhóps.