Félags- og tómstundanefnd Svf. Skagafjarðar

Á fundinn mættu fulltrúar frá Bílaklúbbi Skagafjarðar, Íþróttafélaginu Grósku, Hestamannafélaginu Stíganda, Ungmennafélaginu Smára, Skotfélaginu Ósmann, Hofsbót- styrktarsjóði og Gullhyl. Forsvarsmenn gerðu nefndinni grein fyrir áherslum sínum í uppbyggingu mannvirkja, framtíðaráform og hugmyndir, hver í sínu félagi.

Málinu var vísað til nefndarinnar frá Byggðaráði . Á fundinn komu fulltrúar Hofsbótar, styrktarsjóðs sem kynntu hugmyndir félagsins og hvöttu nefndina til að leggja félaginu til tvær milljónir til frekari undirbúnings framkvæmdarinnar.

Ivano Tasin kynnir verkefnið Euro-infopoint sem hefur hlotið styrk frá Evrópu unga fólksins. Verkefninu er ætlað að auka möguleika ungs fólks til að taka þátt í Evrópuverkefnum, t.d. sjálfboðaliðaverkefnum erlendis. Einnig að styrkja nýbúa af erlendum uppruna til tómstundaiðkunar í Skagafirði.

Fjölbrautaskóli, Rauði Krossinn og Kirkjan eru samstarfsaðilar verkefnisins og verður sérstök áhersla lögð á tengingu við nemendafélag FNV. Sóknarpresturinn á Sauðárkróki er ráðgjafi sjálfboðaliðanna. Sjálfboðaliðar koma frá Ungverjalandi og Serbíu og kynntu þeir sig fyrir nefndarfólki.

Málið kynnt og ákveðið að óska eftir frekari gögnum og málið tekið fyrir á næsta fundi.

Samþykkt.

Leyfið er veitt til vors.