Félags- og tómstundanefnd Svf. Skagafjarðar

Afgreiðslutími sundlauga í Skagafirði verður með eftirfarandi hætti í sumar. Sundlaug Sauðárkróks verður opin virka daga frá kl. 6.50-21.00, 10-17 laugardaga, 10-16 sunnudaga. Sundlaugin á Hofsósi verður opin virka daga frá kl. 9.15-21.15, 10.15-17.15 um helgar. Sundlaugin í Varmahlíð verður opin virka daga frá kl. 10.30-21.00 og 10-17 um helgar. Auglýst verður eftir rekstraraðila að sundlauginni að Sólgörðum.

Sótt var um fjármögnun fyrir 15 störf til Vinnumálastofnunar vegna sérstaks átaks í atvinnumálum ungmenna eldri en 18 ára. Vinnumálastofnun hefur úthlutað Sveitarfélaginu fjárveitingu til að ráða 5 ungmenni. Skipting þessara starfa fer fram í samstarfi sviðanna.

Byggðarráð hefur samþykkt að veita 500.000 kr. af fjárhagslið 21890 til þessa verkefnis, enda nái það til allra barna í sveitarfélaginu og felur félags- og tómstundanefnd að útfæra reglur um úthlutun í samráði við íþróttahreyfinguna í Skagafirði. Félagsmálastjóra og Frístundastjóra er falið að ræða við forsvarsmenn íþróttahreyfingarinnar um útfærslu á reglum í samræmi við umræður á fundinum.

Byggðarráð samþykkir vísar til umsagnar félags- og tómstundanefndar erindi frá Sérfræðingunum ses., þar sem sveitarfélaginu er boðið að gerast stofnfjáraðili að félaginu með því að greiða framlag sem nemur 50 krónum pr. íbúa sveitarfélagsins.
Markmið félagsins er að koma af stað starfsemi á Íslandi til að nálgast einstaklinga á einhverfurófinu, greina styrkleika þeirra og síðan kenna þeim og þjálfa til virkrar atvinnuþátttöku.

Nefndin telur að hér sé um gott málefni að ræða en í ljósi fjárhagsramma nefndarinnar telur nefndin ekki svigrúm til að forgangsraða þessu verkefni með þeim hætti sem hér er sótt um.

Velferðaráðuneytið hefur veitt styrk uppá þrjár milljónir króna til verkefnisins Fléttunnar á árinu 2011 og Sveitarfélagið Skagafjörður hefur lagt annað eins á móti. Gunnar kynnti starfsáætlun verkefnisins.

Gunnar kynnti samræmdar verklagsreglur SSNV um ráðningu starfsmanna í þjónustu við fatlað fólk. Reglurnar eru sendar til umsagnar frá SSNV. Nefndin hefur engar athugasemdir við verklagsreglurnar.

Sótt er um mótframlag til sumardvalar fyrir fötluð börn úr Skagafirði. Samþykktur styrkur kr 163.600 til verkefnisins.

Námskeiðið verður haldið 19. apríl í Skagafirði. Félagsmálastjóra falið að tilkynna þátttöku fundarmanna á námskeiðinu.

Samþykkt þrjú erindi í tveimur málum. Sjá trúnaðarbók.