Félags- og tómstundanefnd Svf. Skagafjarðar

Félags- og tómstundanefnd felur Frístundastjóra að ræða við stjórn ungmennafélagsins Neista um fyrirkomulag á rekstri vallarins á Hofsósi.

Frístundastjóri kynnir skýrslur vegna tveggja óhappa sem urðu í Sundlaug Sauðárkróks á árinu. Verklagsreglur kynntar og lagt til að þær gildi í öllum sundlaugum sveitarfélagsins.

Félags- og tómstundanefnd samþykkir að umsóknarfrestur um Hvatapeninga fyrir vetrarstarf á árinu 2008 verði 19. des 2008 og seinni umsóknarfrestur 15. janúar 2009. Nefndin leggur áherslu á að fyrirkomulag Hvatapeninga verði vel kynnt.

Lagt fram til kynningar. UMFÍ hvetur sveitarstjórnir til að standa vörð um íþrótta- og æskulýðsstarf í landinu á þessum viðsjárverðu tímum.

Lagt fram til kynningar. Stjórn ÍSÍ hefur ályktað um að leggja beri áherslu á að treysta stoðir barna- og unglingastarfs. Ef forgangsraða á fjármunum verði grundvöllur grasrótarstarfsins látinn vera í öndvegi.

Framkvæmdaráð vísaði tillögunni til skoðunar hjá sviðsstjóra markaðs- og þróunarsviðs. Henni var svo beint til áhugahópa. Einn af þessum hópum verður með markað í Aðalgötunni á Sauðárkróki nú á jólaföstunni.