Fræðslunefnd Svf. Skagafjarðar

Fræðslustjóri greindi frá fyrirspurn frá Sigurjóni Þórðarsyni varðandi tímabundna vistun barns í leikskóla. Einnig lagt fram svarbréf fræðslustjóra.

Leikskólinn Birkilundur. Lagður fram undirskriftalisti frá 47 íbúum á þjónustusvæði Leikskólans Birkilundar í Varmahlíð þar sem farið er fram á úrlausn vegna óviðunandi aðstöðu í húsnæðismálum. Fræðslustjóri fór yfir stöðu mála og verða samkvæmt umsóknum 6 börn á biðlista í haust eftir innritun. Þá greindi hann einnig frá því að á síðasta fundi Samstarfsnefndar Sveitarfélagsins Skagafjarðar og Akrahrepps þann 13. febrúar sl. hafði verið bókað að auka þyrfti rými leikskólans um 100 fermetra og að samþykkt hefði verið að fela tæknideild Sveitarfélagsins Skagafjarðar að gera samanburð á kostnaði við lausnir á húsnæðisvanda skólans.

Rætt um sumarlokanir leikskólanna.

Formaður greindi frá því að mötuneyti Árskóla hefði hafið starfsemi í hádeginu

Fræðslustjóri lagði fram tölur yfir áætlaðan nemendafjölda fyrir næsta skólaár.

Fræðslustjóri greindi frá nýstofnuðu svæðisráði foreldrafélaga í Skagafirði sem er samstarfsvettvangur allra foreldra við grunnskóla í Skagafirði.

Fræðslustjóri greindi frá erindi sem barst frá Menntamálaráðuneytinu dags. 8. febrúar 2008 varðandi eftirlit sveitarfélagsins með skólagöngu barna. Einnig kynnti hann svar sitt dagsett 25. febrúar.

Lögð fram að nýju reglugerð um Tónlistarskóla Skagafjarðar með minni háttar breytingum. Fræðslunefnd samþykkir hana þannig breytta. Hún send sveitarstjórn Sveitarfélagsins Skagafjarðar og hreppsnefnd Akrahrepps til staðfestingar.

Lagt fram erindi frá Söngskóla Alexöndru dags. 22. febrúar 2008 þar sem óskað er eftir samstarfi við sveitarfélagið um rekstur skólans. Óskað er eftir því að sveitarfélagið greiði ákveðna upphæð, sem samið verði um, með hverjum nemenda sem stundar nám í söngskólanum. Með erindinu fylgdu útreikningar á kostnaði við skólann. Erindinu frestað til næsta fundar.