Landbúnaðar- og innviðanefnd

Sigfús Ólafur Guðmundsson deildarstjóri atvinnu- menningar og kynningarmála kynnti hvernig haga mætti rafrænni notendakönnun meðal búfjáreigenda í Skagafirði um þá fjóra möguleika sem fram komu varðandi hirðingu dýrahræja á íbúafundi sem haldinn var af nefndinni og Búnaðarsambandi Skagafjarðar í Ljósheimum.
Landbúnaðar- og innviðanefnd samþykkir samhljóða að halda íbúakönnun vegna málsins.
Allir þeir sem skráðir eru greiðendur gjalds vegna förgunar dýrahræja geta kosið í könnuninni sem stendur til 20 desember.
Nánari upplýsingum og slóð á könnunina verður dreift á samfélagsmiðlum og heimasíðu Skagafjarðar.

Kynntar voru breytingar á umboðsmannakerfi snjómoksturs í dreifbýli.
Landbúnaðar- og innviðanefnd samþykkir samhljóða að framvegis verði tveir aðilar tengiliðir íbúa við Vegagerðina vegna helmingamoksturs vega í stað sex aðila áður. Annarsvegar verkstjóri þjónustumiðstöðvar og hinsvegar umhverfis- og landbúnaðarfulltrúi Skagafjarðar. Með þessu vonast nefndin til að þjónusta verði skilvirkari og betri fyrir íbúa. Nýtt fyrirkomulag tekur gildi frá 1. jan. 2025 og verður kynnt frekar á heimasíðu Skagafjarðar.

Tillaga að breytingu á samþykkt um hunda og kattahald lögð fram.
Landbúnaðar- og innviðanefnd samþykkir samhljóða að fela umhverfis- og landbúnaðarfulltrúa að vinna málið áfram í samræmi við umræður á fundinum.

Tillaga að breytingu á gjaldskrá um hunda og kattahald lögð fram.
Landbúnaðar- og innviðanefnd samþykkir samhljóða að fela umhverfis- og landbúnaðarfulltrúa að afla frekari upplýsinga í samræmi við umræður á fundinum.

Umhverfis- og landbúnaðarfulltrúi lagði fram tillögu að ráðningu á nýjum aðila í vetrarveiði refa og minka.
Landbúnaðar- og innviðanefnd samþykkir samhljóða að fela umhverfis- og landbúnaðarfulltrúa að ganga frá samningi við Andra Val Ómarson.

Farið yfir umsókn Gunnars Eysteinssonar um beitarhólf við Hofsós sem auglýst voru fyrr á árinu.
Landbúnaðar- og innviðanefnd samþykkir samhljóða að fela umhverfis- og landbúnaðarfulltrúa að vinna málið áfram í samræmi við umræður á fundinum.

Lögð fram til kynningar ný gjaldskrá Moltu ehf. sem gildir frá 1 jan 2025.

Lögð fram tilkynning frá Vegagerðinni um fyrirhugaða niðurfellingu Víðilundsvegar af vegaskrá þar sem hann uppfyllir ekki lengur skilyrði c.-liðar2. mgr. 8 gr.vegalaga nr. 80/2007 um fasta búsetu og lögheimili.