Landbúnaðar- og innviðanefnd

Landbúnaðar- og innviðanefnd samþykkir samhljóða að rætt verði við Fisk Seafood varðandi samstarf um umhverfisdaga Skagafjarðar. Með því og öflugu samstarfi við önnur fyrirtæki í héraðinu og Heilbrigðiseftirlit Norðurlands vestra mætti auka árangur umhverfisdaga enn frekar. Sviðstjóra Veitu- og framkvæmdasviðs falið að vinna málið áfram.

Á fundi sínum þann 4. mars sl. samþykkti Landbúnaðar- og innviðanefnd að skipa eftirtalda í starfshóp um endurskoðun fjallskilasamþykktar Skagafjarðar: Einar Eðvald Einarsson og Sveinn Þ. Finster Úlfarsson úr Landbúnaðar- og innviðanefnd, Einar Kári Magnússon og Atli Már Traustason frá fjallskilanefndunum og Kári Gunnarsson umhverfis og landbúnaðarfulltrúi. Með hópnum starfa sviðsstjóri Veitu- og framkvæmdasviðs og lögfræðingur sveitarfélagsins ásamt öðrum sem kallaðir verða til eftir þörfum. Nú hefur Atli Már Traustason beðist undan setu í hópnum og samþykkir landbúnaðar og innviðanefnd samhljóða að skipa Rúnar Páll Dalmann Hreinsson í hans stað.

Lögð fram beiðni frá Brunavarnasviði Húsnæðis- og mannvirkjastofnunar (HMS), Félagi slökkviliðsstjóra á Íslandi (FSÍ) ásamt
Fagráði vatnsveitna SAMORKU, samtaka orku- og veitufyrirtækja á Íslandi varðandi þáttöku í samræmdri úttekt á slökkvivatni vatnsveitna á Íslandi.
Landbúnaðar og innviðanefnd samþykkir samhljóða að tilnefna Gunnar Björn Rögnvaldsson verkefnisstjóra hjá Skagafjarðarveitum sem tengilið.

Lagt fram til kynningar bréf frá Bjarmalandi félagi atvinnuveiðimanna í ref og mink þar sem lýst er áhyggjum af lágu tímakaupi við veiðarnar og leggja fram sínar hugmyndir um greiðslufyrirkomulag.
Landbúnaðar- og innviðanefnd þakkar fyrir ábendingarnar en minnir á að Skagafjörður hefur hækkað framlag sitt til veiðanna árlega, m.a. fyrir vetrarveidd dýr, ógotnar læður og útköll veiðimanna.

Lagður fram til kynningar ársreikningur Fjallskilasjóðs Skefilsstaðahrepps fyrir árið 2024

Lagður fram til kynningar ársreikningur Fjallskilasjóðs Sauðárkróks fyrir árið 2024

Lagðir fram til kynningar ársreikningar fjallskilanefnda Unadals og Austur - Fljóta

Lögð fram til kynningar útboðslýsing vegna veiði í Unadalsá 2025-2029

Lagt fram til kynningar bréf frá Rótarí hreyfingunni og Einari Bárðarsyni þar sem tilkynnt er að stóri plokkdagurinn fari fram þann 27. apríl 2025.