Landbúnaðarnefnd Svf. Skagafjarðar

Farið yfir ástand skilarétta í Sveitarfélaginu Skagafirði. Lagt er til að skoðuð verði framtíð Grófagilsréttar sem skilarétt. Starfsmanni nefndarinnar falið að kanna hvort opinber styrkur fáist til viðhalds Hlíðarréttar vegna sérstöðu hennar og aldurs.
Landbúnaðarnefnd samþykkir að sett verði gjaldskrá yfir starfsemi í skilaréttum sem fellur ekki undir lögbundin fjallskil.

Lögð fram drög að fjárhagsáætlun vegna landbúnaðarmála á árinu 2020. Niðurstaða áætlunar er 15,0 milljónir króna.
Landbúnaðarnefnd samþykkir framlögð drög og vísar þeim til byggðarráðs.

Lagt fram bréf móttekið 22. október 2019 frá Guðmundi Þór Elíassyni, kt. 271277-3429 og Jóhönnu H. Friðriksdóttur, kt. 080579-5359, eigendum jarðarinnar Varmilækur land í Skagafirði (F2306242), þar sem óskað er eftir umsögn sveitarstjórnar vegna stofnunar lögbýlis.
Landbúnaðarnefnd sér ekkert því til fyrirstöðu að lögbýlið sé stofnað og mælir með að það hljóti staðfestingu sveitarstjórnar.

Rætt um reglugerðir um garnaveiki og varnir gegn henni.
Landbúnaðarnefnd hvetur Matvælastofnun til að sinna sínu eftirlitshlutverki varðandi bólusetningar á sauðfé og geitum, til að lágmarka hættu á að upp komi garnaveiki. Til að virkni bólusetningar verði sem best er mikilvægt að framkvæma bólusetningu sem fyrst á haustin.

Landbúnaðarnefnd fagnar fram kominni jafnréttisáætlun 2018-2022. Nefndin mun leitast við að tryggja jafnrétti kynjanna í fjallskilanefndum.

Lagður fram til kynningar ársreikningur Fjallskilasjóðs Vestur-Fljóta fyrir árið 2018.

Lagður fram til kynningar ársreikningur Fjallskilasjóðs Skefilsstaðahrepps fyrir árið 2018.

Lagður fram til kynningar ársreikningur Fjallskilasjóðs Hofsafréttar fyrir árið 2018.