Landbúnaðarnefnd Svf. Skagafjarðar

Borist hefur reikningur frá Húnavatnshreppi v. refaveiða á Eyvindarstaðaheiði 2008, að upph. kr. 384.411,-. Hlutur Sveitarfél. Skagafj. er kr. 271.349,-. Vegna þessa reiknings sendi formaður Landbúnaðarnefndar bréf til gjaldkera Húnavatnshrepps þar sem óskað er eftir viðræðum um fyrirkomulag veiðanna og settar fram athugasemdir við upphæð reikningsins, þar sem ekki hefur verið haft samband um fyrirkomulag veiðanna.
Í framhaldi bréfs Einars er boðað til fundar í Húnaveri n.k. mánudag 2. mars. Landbúnaðarnefnd ásamt starfsmanni mun mæta á fundinn.

Einar dreifði drögum að Fjárhagsáætlun fjallskiladeilda í sveitarfélaginu.
Einari og Sigurði falið að ganga endanlega frá áætluninni og senda út til fjallskilastjóra.

Borist hefur ósk um að Landbúnaðarnefnd tilnefni fulltrúa í matsnefnd er varðar merkjagirðingu milli Páfastaða og Litlu-Grafar á Langholti.
Samþ. var að Einar E. Einarsson taki sæti í nefndinni.

Borist hefur ósk frá bændum í Sæmundarhlíð um að Landbúnaðarnefnd beiti sér fyrir að Rarik leggi 3ja fasa rafmagn á svæðið. Í framhaldi var samþykkt:
?Landbúnaðarnefnd skorar á Skagafjarðarveitur ehf og Rarik að kanna hvort ekki sé möguleiki á að leggja 3ja fasa rafmagnslögn í Sæmundarhlíð um leið og heitavatnslögnin verður lögð nú í sumar.?

Einar sagði frá fundi með búfjáreftirlitsmönnum og Ólafi Jónssyni dýralækni, mjög gagnlegur fundur. Allmiklar umræður fóru fram um búfjárhald í sveitarfélaginu.