Landbúnaðarnefnd

Málið áður á 5. fundi landbúnaðarnefndar þann 17. nóvember 2022. Lögð fram drög að breytingum á samþykkt um búfjárhald í þéttbýli í Skagafirði. Málið rætt, áfram í skoðun.

Lagðar fram áætlanir fjallskilasjóða fyrir árið 2023. Landbúnaðarnefnd hefur til ráðstöfunar á fjárhagsáætlun 2023 fyrir deild 13210, samtals 8 mkr. til að veita í framlög til fjallskilasjóðanna. Nefndin mun kalla eftir frekari upplýsingum hjá fjallskilanefndum.

Tekið fyrir erindi frá fjallskilanefnd Staðarhrepps um greiðslu vegna vinnu við eftirleitir í Staðarfjöllum. Nefndin samþykkir að greiða innsendan reikning.

Lögð fram umsókn frá Efemíu G. Björnsdóttur, Freyjugötu 3, Sauðárkróki um leyfi til að halda 10 hænur við heimili hennar. Nefndin samþykkir umsókn um búfjárleyfi.

Lagður fram tölvupóstur dagsettur 30. nóvember 2022 frá Magnúsi Péturssyni landeiganda Skálár til fjallskilastjóra fjallskiladeildar Hrolleifsdals. Varðar erindið hvort rífa eigi réttina eða endurbyggja að hluta. Í núverandi fjallskilareglugerð Skagafjarðar er Skálárrétt skilgreind sem skilarétt. Nefndin óskar eftir viðræðum við landeiganda Skálár og fjallskiladeild Hrollleifsdals.

Ormahreinsun sveitahunda rædd. Nefndin áréttar mikilvægi ormahreinsunar einu sinni á ári.

Málið áður á dagskrá 4. fundar landbúnaðarnefndar þann 17. október 2022. Fjallskilasamþykktin rædd.

Lagður fram til kynningar tölvupóstur frá Kára Gunnarssyni umhverfis- og landbúnaðarfulltrúa varðandi styrkumsókn til Minjastofnunar fyrir hönd Fjallskilasjóðs Deildardals vegna viðgerðar á grjóthlaðinni rétt við Tungufjallssporðinn.

Lagðar fram til kynningar upplýsingar um kostnað við lagfæringu á afréttarvegi að Kolbeinsdalsafrétt. Styrkur að fjárhæð 1,8 mkr.fékkst úr styrkvegasjóði Vegagerðarinnar til verksins.

Lagðar fram til kynningar upplýsingar um kostnað við lagfæringu á afréttarvegi að Unadalsafrétt. Styrkur að fjárhæð 800 þkr.fékkst úr styrkvegasjóði Vegagerðarinnar til verksins.

Lagðar fram til kynningar upplýsingar um kostnað við lagfæringu á afréttarvegi að Keldudal á Hofsafrétt. Styrkur að fjárhæð 2,0 mkr.fékkst úr styrkvegasjóði Vegagerðarinnar til verksins.

Lagðar fram til kynningar upplýsingar um kostnað við lagfæringu á afréttarvegi að Molduxaskarði. Styrkur að fjárhæð 400 þkr.fékkst úr styrkvegasjóði Vegagerðarinnar til verksins.