Fjárlaganefnd - umsóknir v fjárlagaársins 2010

Farið yfir erindi til að leggja fyrir fjárlaganefnd Alþingis og gengið frá endalegum gögnum.
Byggðarráð samþykkir fyrirliggjandi gögn. Samþykkt að óska eftir fundi með nefndinni og fylgja erindunum eftir. Samþykkt að byggðarráð ásamt sveitarstjóra sæki fundinn.

Afgreiðsla 481. fundar byggðarráðs staðfest á 249. fundi sveitarstjórnar með níu atkvæðum.

Lagt fram bréf frá fjárlaganefnd Alþingis þar sem sveitarstjórnum er boðið til viðtals vegna verkefna heima í héraði. Áætlaðir fundardagar eru áætlaðir 28. og 30. september. Einnig er boðið upp á fjarfundi 29. september nk. Ganga þarf frá tímasetningu fyrir 11. september nk.
Byggðarráð felur sveitarstjóra að reyna að ná fundi með fjárlaganefnd 30. september nk.

Undirbúningur fyrir vændanlegan fund með fjárlaganefnd Alþingis 30. september nk.
Vegna þeirrar vinnu sem er í gangi hjá ríkisvaldinu við fjárlagagerð fyrir árið 2010 samþykkir byggðarráð eftirfarandi ályktun:
Í efnahagsþrengingum þjóðarinnar nú um mundir er mikilvægara en nokkru sinni fyrr að huga að eflingu sveitarstjórnarstigsins og stuðla að eflingu byggðarlaga utan höfuðborgarsvæðisins jafnhliða því að unnið er að endurreisn atvinnulífs og samfélags á höfuðborgarsvæðinu. Sveitarfélögin og byggðarlög um allt land eiga og verða að gegna lykilhlutverki í því uppbyggingarstarfi sem framundan er. Þegar þrengir að í þjóðfélaginu er mikilvægt að stjórnvöld gleymi því ekki að þau sveitarfélög og svæði sem ekki nutu uppsveiflunnar eru enn síður í stakk búin til að takast á við aukna erfiðleika. Þau þurfa miklu fremur á því að halda að staða þeirra sé treyst til að þau, í samvinnu við ríkisvaldið, geti tekið þátt í endurreisnarstarfinu.
Byggðarráð Sveitarfélagsins Skagafjarðar viðurkennir nauðsyn á hagræðingu i rekstri ríkisstofnana í Skagafirði, sem og annars staðar en leggur þunga áherslu á að fjárframlög verði ekki skert svo mjög að tilveru þeirra sé ógnað. Fyrirbyggja þarf flutning verkefna frá landsbyggðinni til höfuðborgarsvæðisins við þær aðstæður sem nú eru. Í þessu sambandi lýsir byggðarráð yfir miklum áhyggjum vegna boðaðs frumvarps um breytingar á dómskerfinu, sem munu leiða til skertrar þjónustu. Færa má sterk rök fyrir því að niðurlagning einstakra héraðsdómstóla á landsbyggðinni sé ekki vænlegasta leiðin til sparnaðar í dómskerfinu og leiði fremur til aukins kostnaðar ríkissjóðs og íbúa hinna dreifðu byggða.

Byggðarráð felur sveitarstjóra að senda ályktunina til Ríkisstjórnar Íslands, fjárlaganefndar Alþingis og þingmanna Norðvesturkjördæmis.

Farið yfir umsóknir sveitarfélagsins til fjárlaganefndar vegna fjárlaga 2010. Byggðarráð mun funda með fjárlaganefnd 30. sept. nk. Sviðsstjórum falið að forgangsraða þeim verkefnum sem kynnt eru greinargerðinni og koma upplýsingum til sveitarstjóra.

Rætt um og farið yfir fundarefni vegna fundar með fjárlaganefnd í næstu viku.
Sveitarstjóra falið að vinna áfram að gerð greinargerðar sem lögð verður fyrir fjárlaganefndina.

Afgreiðsla 489. fundar Byggðaráðs staðfest á 252. fundi sveitarstjórnar með níu atkvæðum.

Afgreiðsla 490. fundar Byggðaráðs staðfest á 252. fundi sveitarstjórnar með níu atkvæðum.