Byggðarráð Svf. Skagafjarðar

Erindi frá stjórn SSNV þar sem óskað er eftir að sveitarfélagið tilnefni tvo fulltrúa í starfshóp sem kanna á möguleika á frekara samstarfi og samþættingu félags- og skólaþjónustu á Norðurlandi vestra.
Tilnefningar skulu liggja fyrir næsta fundi byggðarráðs, einn fulltrúi frá meirihluta og annar frá minnihluta sveitarstjórnar. Afgreiðslu frestað.

Rætt um og farið yfir fundarefni vegna fundar með fjárlaganefnd í næstu viku.
Sveitarstjóra falið að vinna áfram að gerð greinargerðar sem lögð verður fyrir fjárlaganefndina.

Lagður fram tölvupóstur frá Sigríði Jensdóttur, þar sem hún óskar eftir upplýsingum um hvort mögulegt sé að hún geti fengið keypta félagslega íbúð sem hún býr í.
Byggðarráð samþykkir að íbúðin verði ekki seld að sinni.

Fjármálaráðstefna sveitarfélaga verður haldin dagana 1. og 2. október 2009.
Byggðarráð samþykkir að byggðarráðsmenn ásamt sveitarstjóra og fjármálastjóra sæki ráðstefnuna.

Ársfundur Jöfnunarsjóðs sveitarfélaga verður haldinn föstudaginn 2. októbber 2009.
Byggðarráð samþykkir að sveitarstjóri sæki ársfundinn fyrir hönd sveitarfélagsins.

Lögð fram styrkbeiðni frá Landssambandi slökkviliðs- og sjúkraflutningamanna, vegna eldvarnarfræðslu til grunnskólabarna og fjölskyldna þeirra.
Byggðarráð tekur jákvætt í erindið og felur sveitarstjóra að ganga frá málinu á grundvelli þess sem rætt var á fundinum.

Lagt fram erindi frá Leið ehf og Atvinnuþróunarfélagi Eyjafjarðar varðandi opinn fund um aðalskipulag og vegamál á Norðurlandi í Húnaveri, laugardaginn 3. október 2009. Þess er vænst að sveitarfélögin Húnavatnshreppur, Blönduósbær, Sveitarfélagið Skagafjörður og Akrahreppur tilnefni fulltrúa til að mæta á fundinn sem geri grein fyrir stöðu aðalskipulags og sjónarmiðum síns sveitarfélags til þeirra hugmynda um samgöngubætur sem fram hafa komið.
Byggðarráð samþykkir að fundarboðendum verði sendar þær ályktanir sem samþykktar hafa verið varðandi þessi mál hjá sveitarfélaginu og stöðu málsins með tilliti til vinnslu aðalskiplags fyrir sveitarfélagið.

Lagt fram bréf frá sjávarútvegs- og landbúnaðarnefnd Alþingis, þar sem óskað er umsagnar um frumvarp til laga um endurskoðun á undanþágum frá I. kafla I. viðauka við EES-samninginn, 147. mál, matvælalöggjöf, EES-reglur.
Sveitarstjóra er falið að útbúa umsögn í samráði við byggðarráðsfulltrúa og senda nefndinni.

Lagðar fram til kynningar upplýsingar um rekstur sveitarfélagsins og stofnana þess fyrir tímabilið janúar - ágúst 2009.

Lagður fram til kynningar biðlisti eftir félagslegu húsnæði hjá sveitarfélaginu.

Lögð fram til kynningar skýrsla fyrirtækjasviðs KPMG hf. um mat á hagræði sameiningar Árskóla í eitt skólahús. Ólafur Ö. Ólafsson ráðgjafi kynnti skýrsluna. Sveitarstjórnarmenn sem ekki eiga sæti í byggðarráði var boðið að sitja fundinn undir þessum dagskrárlið.
Undir þessum dagskrárlið sátu fundinn Einar E. Einarsson sveitarstjórnarmaður, Herdís Á. Sæmundardóttir fræðslustjóri og Jón Örn Berndsen sviðsstjóri umhverfis- og tæknisviðs.