Málefni Skagasels

Lagt fram erindi frá Sigrúnu Mörtu Gunnarsdóttur þar sem hún tilkynnir að hún muni ekki sækja um framlengingu á samningi við Sveitarfélagið um rekstur Skagasels, en hann rennur út í maí 2011.

Nefndin samþykkir að funda með hússtjórn Skagasels með það fyrir augum að auglýsa í framhaldinu eftir nýjum rekstraraðila fyrir Skagasel. Sviðsstjóra falið að svara erindi Sigrúnar.

Afgreiðsla 46. fundar menningar- og kynningarnefndar staðfest á 525. fundi byggðarráðs með þremur atkvæðum.

Til fundarins komu Merete Rabölle, Brynja Ólafsdóttir og Halldóra Björnsdóttir, fulltrúar í hússtjórn Skagaselsfulltrúar í hússtjórn Skagasels.
Hússtjórn og Menningar- og kynningarnefnd ákveða að auglýsa eftir húsverði eða rekstraraðila fyrir Skagasel, en samningur við núverandi rekstraraðila, Sigrúnu Mörtu Gunnarsdóttur rennur út næsta vor og hún hyggst ekki sækjast eftir endurnýjun á honum.

Sviðsstjóra falið að auglýsa eftir rekstraraðila / húsverði fyrir Skagasel.

Auglýst var eftir rekstraraðila fyrir Skagasel í janúar sl. Engin umsókn barst. Húsið er því í umsjón hússtjórnarinnar í Skagaseli eftir að samningur við núverandi rekstraraðila rennur út í maí.

Afgreiðsla 51. fundar menningar- og kynningarnefndar staðfest á 276. fundi sveitarstjórnar með níu atkvæðum.