Menningar- og kynningarnefnd

Auglýst var eftir rekstraraðila fyrir Skagasel í janúar sl. Engin umsókn barst. Húsið er því í umsjón hússtjórnarinnar í Skagaseli eftir að samningur við núverandi rekstraraðila rennur út í maí.

Rætt um málefni Félagsheimilisins í Hegranesi og ákveðið að boða hússtjórn hússins á næsta fund nefndarinnar.

Auglýst var eftir rekstraraðila fyrir félagsheimilið Ketilás í Fljótum, tvær umsóknir bárust. Nefndin samþykkir að ganga til samninga við Stefaníu Hjördísi Leifsdóttur.

Guðrún Brynleifsdóttir kynnti stöðu mála varðandi undirbúning Sæluviku sem fram fer 1.-7.maí nk. Mikill fjöldi spennandi viðburða verður í boði í Sæluviku þessa árs og gert er ráð fyrir því að fleiri viðburðir munu bætast við.

Guðrún Brynleifsdóttir kynnti stöðu mála varðandi verkefnið Þjóðleik, verkefninu mun ljúka með mikilli leiklistarhátíð á Akureyri fyrstu helgina í apríl þar sem unglingar af öllu Norðurlandi munu koma saman og frumflytja ný leikverk.

Lagt fram til kynningar gjafabréf frá Hjalta Pálssyni þar sem hann afhendir Byggðasafni Skagfirðinga til eignar og varðveislu muni sem áður voru í eigu Kristjáns Runólfssonar.

Nefndin vill færa Hjalta bestu þakkir fyrir hans hlut í því að koma áðurnefndum munum aftur til varðveislu í Skagafirði.

Lögð fram til kynningar auglýsing frá Menningarráði Norðurlands vestra vegna menningarstyrkja, umsóknarfrestur er til 15. mars nk.

Lagt fram til kynningar erindi frá sjónvarpsstöðinni N4 þar sem hún kynnir starfsemi sína. Nefndin felur sviðsstjóra að ræða við N4 með mögulegt samstarf í huga. Ákveðið að ræða málið betur á næsta fundi.