Reglur um niðurgreiðslu Sveitarfélagsins Skagafjarðar á daggæslu í heimahúsum.

Ræddar breytingartillögur á 10. grein reglna um niðurgreiðslu dagvistar á einkaheimilum, varðandi aldurstakmörk.

Tillögurnar sendist til umsagnar fræðslustjóra og verði teknar aftur fyrir á næsta fundi til ákvörðunar.

Lögð fram umsögn fræðslustjóra. Samþykkt að fresta ákvörðun um málið þar til drög að fjárhagsáætlun fyrir málaflokkana árið 2011 liggur fyrir.

Tillaga um breytingu á 10. gr. reglna um niðurgreiðslu dagvistar barna á einkaheimilum lögð fram til kynningar. Endanleg ákvörðun verður tekin á næsta fundi.

Samþykkt breyting á tíundu grein reglna um niðurgreiðslu á daggæslu í heimahúsum. Breyting var gerð á fyrstu málsgrein og þriðja og fjórða lið greinarinnar. Breytingin gildi í eitt ár frá 1. september 2011.

10. Niðurgreitt er með eftirfarandi hætti fyrir börn fram að þeim tíma er barni býðst leikskólapláss:

• Fyrir börn einstæðra foreldra og foreldra þar sem báðir aðilar eru í fullu námi getur niðurgreiðsla hafist um mánaðarmót eftir 6 mánaða aldur barns.
• Fyrir öll önnur börn hefst niðurgreiðsla um mánaðarmót eftir 9 mánaða aldur barns.
• Hafni foreldrar leikskólaplássi fyrir barn sem orðið er 18 mánaða helmingast niðurgreiðslan og fellur að fullu niður eftir 24 mánaða aldur barnsins.
• Ef um sérstakar félagslegar eða heilsufarslegar aðstæður er að ræða er hægt að sækja um undanþágu frá ofangreindum aldursmörkum til félags- og tómstundanefndar.

Vísað til Sveitarstjórnar til samþykktar.

Málinu var vísað frá fundi félags- og tómstundanefndar þann 22. mars 2011 til staðfestingar í sveitarstjórn. Reglur un niðurgreiðslu Sveitarfélagsins Skagafjarðar á daggæslu í heimhúsum, bornar undir atkæði og samþykktar samhljóða.

Afgreiðsla 170. fundar félags- og tómstundanefndar staðfest á 277. fundi sveitarstjórnar með níu atkvæðum.