Ljósleiðaravæðing í dreifbýli Skagafjarðar

Rætt um áframhaldandi ljósleiðaravæðingu í Sveitarfélaginu Skagafirði. Nefndin samþykkir að sækja um styrk í verkefnið Ísland ljóstengt 2016 og felur starfsmönnum að sækja um fyrir þau svæði sem best falla að umsóknarskilyrðum ársins 2016.

Markmið verkefnisins Ísland ljóstengt er að 99,9% þjóðarinnar eigi kost á 100 Mb/s þráðbundinni nettengingu árið 2020.

Afgreiðsla 31. fundar atvinnu- menningar- og kynningarnefndar staðfest á 339. fundi sveitarstjórnar 13. apríl 2016 með níu atkvæðum.

Lögð fram bókun 31. fundar atvinnu-, menningar- og kynningarnefndar frá 22. mars 2016 varðandi umsókn um styrk í verkefnið Ísland ljóstengt 2016.
Byggðarráð samþykkir að sveitarfélagið verði þátttakandi í verkefninu.

Kynnt niðurstaða umsókna í verkefnið Ísland ljóstengt 2016. Niðurstaðan hvað Sveitarfélagið Skagafjörð varðar er að styrkur fékkst fyrir 45 tengingum að upphæð kr. 20.685.000,-

Afgreiðsla 736. fundar byggðarráðs staðfest á 341. fundi sveitarstjórnar 11. maí 2016 með níu atkvæðum.

Afgreiðsla 32.fundar atvinnu- menningar- og kynningarnefndar staðfest á 341. fundi sveitarstjórnar 11. maí 2016 með níu atkvæðum.

Lagður fram samningur á milli Fjarskiptasjóðs og Sveitarfélagins Skagafjarðar um styrkveitingu til uppbyggingar ljósleiðarkerfis í sveitarfélaginu árið 2016. Samtals er styrkveiting að upphæð 20.685.000 kr. vegna 45 tenginga frá Varmahlíð að Marbæli og í Sæmundarhlíð. Einnig lögð fram drög að kynningarbréfi til eigenda íbúðar- og sumarhúsa á fyrirhugaðri lagnaleið.
Byggðarráð samþykkir framlagðan samning og drög að kynningarbréfi.

Afgreiðsla 752. fundar byggðarráðs staðfest á 345. fundi sveitarstjórnar 24. júní 2016 með níu atkvæðum.

Farið var yfir ljósleiðaravæðingu í dreifbýli í Skagafirði.

Sett verður af stað vinna við að hanna og kostnaðargreina ljósleiðaravæðingu dreifbýlis í sveitarfélaginu.

Ákveðið að fá fulltrúa frá Mílu á næsta fund nefndarinnar.